Laçın–Xankəndi yolunda təşkil olunan dinc ekoaksiya 91 gündür davam edir. Aksiya iştirakçılarına dəstək vermək üçün yeni könüllü qruplar əraziyə gəliblər. Onlar da Azərbaycan, rus və ingilis dillərində plakatlar qaldırır, “Azərbaycan oyaqdır, sərvətlərə dayaqdır!”, “Ekoloji cinayətə son!” və digər şüarlar səsləndirirlər.

Həmişə olduğu kimi, Laçın–Xankən­di yolunda Rusiya sülhməramlılarına və Beynəlxalq Qırmızı Xaç Komitəsinə məx­sus humanitar təyinatlı avtomobillərin sərbəst hərəkətinə şərait yaradılıb. Gün ərzində Şuşa ərazisindən, ümumilikdə, 100-ə yaxın avtomobilin keçidi təmin edi­lib. Avtomobillərdə humanitar yüklərlə yanaşı, ermənilər də olub. Nəqliyyat va­sitələrinin maneəsiz şəkildə hərəkət et­məsi ona sübutdur ki, yolda “blokada”dan söhbət gedə bilməz.

Azərbaycan Müdafiə naziri, gene­ral-polkovnik Zakir Həsənov martın 11-də keçirilən xidməti müşavirədə deyib ki, ordumuzun bölmələri tərəfindən dəfələrlə müşahidə olunan, Ermənistanın Rusiya sülhməramlı kontingentinin müvəqqəti yerləşdiyi Azərbaycanın suveren əra­zilərində qalan qeyri-qanuni silahlı bir­ləşmələri üçün hərbi daşımalar və canlı qüvvənin rotasiyasını həyata keçirməsi yolverilməzdir. Düzdür, ermənilər hazırda Laçın–Xankəndi yolu vasitəsilə hərbi təyi­natlı yüklər, separatçılar daşımasalar da, Xankəndi–Xəlfəli–Turşsu torpaq yolu ilə qanunsuz istifadə cəhdləri var. 

Dünyanın bir sıra ölkələrinin aparıcı mətbuat orqanları azərbaycanlı ekofəal­ların Laçın–Xankəndi yolunda təşkil etdikləri etiraz aksiyasından yazırlar. Məqalələrdə qeyd olunur ki, azərbaycanlı ekofəalların keçirdiyi aksiya beynəlxalq ictimaiyyətin diqqətini Azərbaycanın Qa­rabağ bölgəsindəki faydalı qazıntı yataq­larının separatçılar tərəfindən qanunsuz istismarına və ekologiyaya vurulan ziya­na yönəldir. Bildirilir ki, üçtərəfli bəyana­ta uyğun olaraq, 2020-ci ilin noyabrında İkinci Qarabağ müharibəsindən sonra yola nəzarət üçün buraya müvəqqəti ola­raq Rusiya sülhməramlıları yerləşdirilib. Ekofəallar Qarabağda ermənilərin qa­nunsuz istismar etdiyi faydalı qazıntı ya­taqlarına çıxışını pisləyirlər. Ancaq bəzi ermənipərəst media qurumları Ermənis­tanın yalan məlumatlarını tirajlamaqla məşğuldurlar. 

Xatırladaq ki, ötən il dekabrın 3-də və 7-də Rusiya sülhməramlı kontingentinin komandanlığı ilə aparılmış müzakirələrin nəticəsi olaraq Azərbaycanın İqtisadiy­yat, Ekologiya və Təbii Sərvətlər nazirlik­ləri, İqtisadiyyat Nazirliyi yanında Əmlak Məsələləri Dövlət Xidməti və “AzerGold” Qapalı Səhmdar Cəmiyyətinin mütəxəs­sislərindən ibarət heyət Rusiya sülhmə­ramlı kontingentinin müvəqqəti yerləş­dirildiyi Azərbaycan ərazilərində faydalı qazıntı yataqlarının qanunsuz istismarı, bundan irəli gələn ekoloji və digər fəsad­larla bağlı ilkin monitorinq aparmalı idi. Lakin sülhməramlıların hərəkətsizliyi uc­batından monitorinq baş tutmayıb. Buna etiraz olaraq, azərbaycanlı ekofəallar La­çın–Xankəndi yolunda dekabrın 12-dən dinc aksiyaya başlayıblar.

Samir DÜBƏNDİ,

Azərbaycan Ekoturizm Assosi­asiyası İdarə Heyətinin sədri: 

– Azərbaycanın sərvətlərinin qa­nunsuz istismarının qarşısını almaq və təbii resurslara baxış keçirməyə imkan yaradılması məqsədilə eko­könüllülərin və aktivistlərin dinc eti­raz aksiyalarının keçirilməsi davam edir. Etirazların bir sıra müsbət nəti­cələrini də görürük. Azərbaycan əra­zilərində müvəqqəti yerləşdirilmiş Rusiya sülhməramlı kontingenti, o cümlədən digər vasitəçi və müşahi­dəçilər bilməlidirlər ki, Azərbaycanın təbii sərvətləri yalnız özünə məxsus­dur, ondan istifadə etmək hüququ da yalnız dövlətimizin yurisdiksiyasın­dadır. 

Aksiya Azərbaycanın yüksək ekoloji mədəniyyət, o cümlədən da­vamlı inkişaf prinsiplərinə nə qədər sadiq olmasının bariz nümunəsidir. Təbii sərvətlərdən səmərəli istifadə edərək, biz yalnız bu yolla davamlı inkişafa nail ola bilərik. Bu, yalnız bizim ölkədə deyil, bütün dünyada belədir.

Ekoloji mədəniyyətin yüksək in­kişafına nail olmaq və güclü iqtisa­diyyat və sağlam cəmiyyət qurmaq istəyində olan ölkələr təbii ehtiyatlar­dan səmərəli istifadə edərək, ətraf mühitin mühafizəsi, biomüxtəlifliyin qorunması, alternativ enerji strate­giyaları kimi turizm fəaliyyətlərinin inkişafına xüsusi diqqət yetirirlər. Azərbaycan höküməti də bütün bu sahələr üzrə Prezident İlham Əliye­vin tapşırıqları əsasında ardıcıl inki­şaf layihələri həyata keçirməkdədir.

Düşünürəm ki, biz tezliklə Qa­rabağda ekoloji nizamlama işləri aparıb təbii və antropogen resursları qiymətləndirdikdən sonra bu səfalı və zəngin ərazilərin təbii ehtiyatla­rından səmərəli istifadə edərək eko­loji turizm potensialını işə salacağıq. Ona görə də, təbii sərvətlərimizin qanunsuz istismarını pisləyir və bu işi görənləri qətiyyətlə qınayırıq. İna­nırıq ki, tezliklə məqsədlərimizə tam şəkildə nail olacağıq.

Rizvan FİKRƏTOĞLU, “Xalq qəzeti”