Azərbaycan Respublikası Nazirlər Kabinetinin Qərarı

№ 266 Bakı şəhəri, 4 avqust 2023-cü il

“Çoxmənzilli binanın idarəedici təş­kilatının seçilməsi üzrə açıq müsabiqə keçirilməsi Qaydası”nın təsdiq edilmə­si haqqında” Azərbaycan Respublikası Nazirlər Kabinetinin 2010-cu il 1 iyul tarixli 128 nömrəli Qərarında dəyişiklik edilməsi barədə

Azərbaycan Respublikası Konstitu­siyasının 119-cu maddəsinin səkkizinci abzasını rəhbər tutaraq, “Azərbaycan Respublikasının Mənzil Məcəlləsində də­yişiklik edilməsi haqqında” Azərbaycan Respublikasının 2022-ci il 23 dekabr tarix­li 760-VIQD nömrəli Qanununun icrasını təmin etmək məqsədilə Azərbaycan Res­publikasının Nazirlər Kabineti qərara alır:

1. “Çoxmənzilli binanın idarəedici təş­kilatının seçilməsi üzrə açıq müsabiqə keçirilməsi Qaydası”nın təsdiq edilməsi haqqında” Azərbaycan Respublikası Na­zirlər Kabinetinin 2010-cu il 1 iyul tarixli 128 nömrəli Qərarında (Azərbaycan Respublikasının Qanunvericilik Toplusu, 2010, № 7, maddə 694; 2019, № 3, mad­də 561) aşağıdakı dəyişikliklər edilsin:

1.1. 2-ci hissə 3-cü hissə hesab edilsin və aşağıdakı məzmunda 2-ci hissə əlavə edilsin; 

“2. Bu Qərarda dəyişiklik Azərbaycan Respublikası Prezidentinin 2002-ci il 24 avqust tarixli 772 nömrəli Fərmanı ilə təs­diq edilmiş “İcra hakimiyyəti orqanlarının normativ hüquqi aktlarının hazırlanma­sı və qəbul edilməsi qaydası haqqında Əsasnamə”nin 2.6-1-ci bəndinə uyğun edilə bilər.”;

1.2. həmin Qərarla təsdiq edilmiş “Çoxmənzilli binanın idarəedici təşkilatı­nın seçilməsi üzrə açıq müsabiqə keçiril­məsi Qaydası” üzrə:

1.2.1. 1.4.1-ci yarımbəndə birinci hal­da “sahə mülkiyyətçiləri” sözlərindən son­ra “və Azərbaycan Respublikasının Mən­zil Məcəlləsinin 29.5-ci maddəsinin birinci cümləsində müəyyən edilmiş kirayəçiləri (bundan sonra-kirayəçi)” sözləri, ikinci və üçüncü hallarda ismin müvafiq hallarında “sahə mülkiyyətçiləri” sözlərindən sonra ismin müvafiq hallarında “və kirayəçilər” sözləri əlavə edilsin;

1.2.2. 2.3-cü bəndin birinci cümləsinə “sahə mülkiyyətçisi” sözlərindən sonra “və kirayəçisi” sözləri əlavə edilsin;

1.2.3. 2.10-cu bəndə “sahə mülkiyyət­çilərinin,” sözlərindən sonra “kirayəçilə­rin,” sözü əlavə edilsin;

1.2.4. 4.7-ci bəndə ismin müvafiq hal­larında “sahə mülkiyyətçiləri” sözlərindən sonra ismin müvafiq hallarında “və kirayə­çilər” sözləri əlavə edilsin.

Əli ƏSƏDOV,
Azərbaycan Respublikasının Baş naziri