Azərbaycan Respublikası Nazirlər Kabinetinin Qərarı

№ 265 Bakı şəhəri, 4 avqust 2023-cü il

Azərbaycan Respublikası Nazirlər Kabinetinin “Əmək haqqından tutulan vergi hesablanarkən fiziki şəxslərin vergi güzəştləri hüququnun müəyyən­ləşdirilməsi üçün sənədlərin Siyahı­sının təsdiq edilməsi barədə” 2001-ci il 4 yanvar tarixli 4 nömrəli, “Xarici dövlətlərin hüquqi və fiziki şəxslərinin Azərbaycan Respublikası ərazisində həyata keçirdikləri maliyyə əməliyyat­ları barədə məlumatların bu dövlətlə­rin səlahiyyətli orqanlarına verilməsi Hədləri və Qaydası”nın təsdiq edilməsi haqqında” 2015-ci il 3 iyun tarixli 211 nömrəli, “Azərbaycan Respublikasının vahid büdcə təsnifatının təsdiq edilmə­si barədə” 2018-ci il 11 oktyabr tarixli 440 nömrəli və “Elektron qaimə-faktu­ranın formasının, tətbiqi, uçotu və is­tifadəsi Qaydaları”nın təsdiq edilməsi haqqında” Azərbaycan Respublikası Nazirlər Kabinetinin 2017-ci il 14 mart tarixli 89 nömrəli Qərarında dəyişiklik edilməsi barədə” 2021-ci il 2 fevral ta­rixli 26 nömrəli qərarlarında dəyişiklik edilməsi haqqında 

Azərbaycan Respublikası Konstitu­siyasının 119-cu maddəsinin səkkizinci abzasını rəhbər tutaraq, “Azərbaycan Respublikasının Vergi Məcəlləsində də­yişiklik edilməsi haqqında” Azərbaycan Respublikasının 2022-ci il 9 dekabr tarix­li 677-VIQD nömrəli Qanununun tətbiqi, Azərbaycan Respublikası Prezidentinin “Azərbaycan Respublikası Vergi Məcəl­ləsinin təsdiq edilməsi, qüvvəyə minmə­si və bununla bağlı hüquqi tənzimləmə məsələləri haqqında” Azərbaycan Res­publikası Qanununun və bu Qanunla təsdiq edilmiş Azərbaycan Respublikası Vergi Məcəlləsinin tətbiq edilməsi barədə” 2000-ci il 30 avqust tarixli 393 nömrəli və “Fiziki şəxs olan istehlakçılar tərəfindən Azərbaycan Respublikasının ərazisində pərakəndə ticarət, ictimai iaşə və tibb fəa­liyyəti göstərən şəxslərdən alınmış malla­ra (neft və qaz məhsulları, avtomobillər, alkoqollu içkilər və tütün məmulatları istis­na olmaqla) və göstərilən xidmətlərə görə ödənilmiş ƏDV-nin qaytarılması Qayda­sı”nın təsdiq edilməsi haqqında” 2020-ci il 21 mart tarixli 969 nömrəli fərmanlarında dəyişiklik edilməsi barədə” Azərbaycan Respublikası Prezidentinin 2022-ci il 30 dekabr tarixli 1946 nömrəli Fərmanının 2.4-cü bəndinin icrasını təmin etmək məqsədilə Azərbaycan Respublikasının Nazirlər Kabineti qərara alır:

1. Azərbaycan Respublikası Nazir­lər Kabinetinin 2001-ci il 4 yanvar tarixli 4 nömrəli Qərarı (Azərbaycan Respub­likasının Qanunvericilik Toplusu, 2001, № 1, maddə 53; 2002, № 10, mad­də 635; 2003, № 6, maddə 342; 2008, № 8, maddə 787; 2010, № 3, maddə 264, № 6, maddə 569; 2013, № 10, maddə 1200; 2016, № 9, maddə 1585, № 11, maddə 1976; 2019, № 3, maddə 513, № 7, maddə 1319; 2021, № 3, maddə 282, № 4, maddə 405, № 10, maddə 1159, № 12, maddə 1535; 2022, № 8, maddə 1021) ilə təsdiq edilmiş “Əmək haqqından tutulan vergi hesablanarkən fiziki şəxslərin vergi güzəştləri hüququnun müəyyənləşdirilməsi üçün sənədlərin Si­yahısı”nda aşağıdakı dəyişikliklər edilsin:

1.1. 1.11-ci bəndin birinci abzasında “və arvadları (ərləri)” sözləri “, arvadları (ərləri) və övladları” sözləri ilə əvəz edilsin;

1.2. 1.15-ci bəndin üçüncü abzası­nın sonunda nöqtə işarəsi nöqtəli vergül işarəsi ilə əvəz edilsin və aşağıdakı məz­munda 1.16-cı bənd əlavə edilsin:

“1.16. şəhid ailəsi statusu verilmiş şəxslərin valideynləri, dul arvadları (ərləri) və övladları:

Azərbaycan Respublikası Əmək və Əhalinin Sosial Müdafiəsi Nazirliyinin ta­beliyində Sosial Xidmətlər Agentliyinin yerli qurumları tərəfindən verilən şəhid ailəsi statusunu təsdiq edən vəsiqə.”. 

2. “Xarici dövlətlərin hüquqi və fiziki şəxslərinin Azərbaycan Respublikası əra­zisində həyata keçirdikləri maliyyə əməliy­yatları barədə məlumatların bu dövlətlərin səlahiyyətli orqanlarına verilməsi Hədləri və Qaydası”nın təsdiq edilməsi haqqın­da” Azərbaycan Respublikası Nazirlər Kabinetinin 2015-ci il 3 iyun tarixli 211 nömrəli Qərarında (Azərbaycan Respub­likasının Qanunvericilik Toplusu, 2015, № 6, maddə 784; 2016, № 3, maddə 616, № 4, maddə 775; 2017, № 9, maddə 1727; 2018, № 6, maddə 1371; 2021, № 4, maddə 417, № 9, maddələr 1063, 1067) aşağıdakı dəyişikliklər edilsin:

2.1. adında və ikinci abzasında “Xari­ci dövlətlərin hüquqi və fiziki şəxslərinin” sözləri “Qeyri-rezidentlərin” sözləri ilə əvəz edilsin;

2.2. həmin Qərarla təsdiq edilmiş “Xa­rici dövlətlərin hüquqi və fiziki şəxsləri­nin Azərbaycan Respublikası ərazisində həyata keçirdikləri maliyyə əməliyyatları barədə məlumatların bu dövlətlərin səla­hiyyətli orqanlarına verilməsi Hədləri və Qaydası” üzrə: 

2.2.1. adında və 1.1-ci bənddə “Xari­ci dövlətlərin hüquqi və fiziki şəxslərinin” sözləri “Qeyri-rezidentlərin” sözləri ilə əvəz edilsin;

2.2.2. 1.1-ci bənddə “xarici dövlətlərin hüquqi və fiziki şəxslərinin” sözləri “qey­ri-rezidentlərin” sözləri ilə əvəz edilsin;

2.2.3. aşağıdakı məzmunda 1.1-1-ci bənd əlavə edilsin:

“1.1-1. Bu Qaydaların məqsədləri üçün qeyri-rezident dedikdə xarici dövlə­tin qanunvericiliyinə uyğun olaraq vergi məqsədləri üçün rezident hesab edilən həmin xarici dövlətin hüquqi və fiziki şəx­si, o cümlədən ABŞ şəxsi (bundan sonra - xarici dövlətlərin hüquqi və fiziki şəxsləri) başa düşülür.”;

2.2.4. 1.6-cı bəndin birinci cümləsində “fiziki və ya hüquqi” sözləri “hüquqi və ya fiziki” sözləri ilə, 4-cü hissəsində “fiziki və hüquqi” sözləri “hüquqi və fiziki” sözləri ilə əvəz edilsin;

2.2.5. həmin Qaydaya 1 və 2 nömrə­li əlavələrin yuxarı sağ küncündə “Xarici dövlətlərin hüquqi və fiziki şəxslərinin” sözləri “Qeyri-rezidentlərin” sözləri ilə əvəz edilsin. 

3. Azərbaycan Respublikası Nazirlər Kabinetinin 2018-ci il 11 oktyabr tarixli 440 nömrəli Qərarı (Azərbaycan Respub­likasının Qanunvericilik Toplusu, 2018, № 10, maddə 2155; 2019, № 3, maddələr 528, 534, 544, 563, 566, 568, № 4, mad­də 753, № 5, maddələr 935, 945, 971, № 7, maddə 1325, № 8, maddə 1475, № 10, maddə 1677, № 11, maddə 1878, № 12, maddələr 2091, 2095; 2020, № 3, maddə 344, № 4, maddə 479, № 5, mad­də 643, № 6, maddə 784, № 8, maddə 1134, № 9, maddə 1222, № 10, mad­də 1273, № 11, maddələr 1403, 1408, № 12 (V kitab), maddələr 1589, 1597; 2021, № 2, maddə 203, № 3, maddələr 278, 288, 293, 300, 302, № 4, maddələr 395, 399, 404, 416, 417, 418, № 6 (IV kitab), maddə 695, № 7, maddələr 871, 874, № 8, maddələr 966, 973, № 9, mad­də 1064, № 10, maddələr 1181, 1187, 1192, № 11, maddələr 1256, 1274, 1280, 1283; 2022, № 1, maddələr 53, 70, № 4, maddələr 377, 388, 398, 415, № 5, mad­də 577, № 7, maddə 811, № 8, maddə 1026, № 9, maddələr 1085, 1101, № 10, maddə 1210, № 12, maddə 1552; 2023, № 2, maddə 320, № 4, maddə 588; Azər­baycan Respublikası Nazirlər Kabinetinin 2023-cü il 26 may tarixli 170 nömrəli, 11 iyul tarixli 226 nömrəli və 19 iyul tarixli 233 nömrəli qərarları) ilə təsdiq edilmiş “Azər­baycan Respublikasının büdcə gəlirlərinin təsnifatı”nın 1.4.3.4.9.4-cü yarımmaddə­sinə “Kredit təşkilatlarına” sözlərindən sonra “, bank əməliyyatlarını aparan şəxs­lərə” sözləri əlavə edilsin.

4. Azərbaycan Respublikası Nazir­lər Kabinetinin 2021-ci il 2 fevral tarixli 26 nömrəli Qərarı (Azərbaycan Respub­likasının Qanunvericilik Toplusu, 2021, № 2, maddə 191; 2022, № 4, maddə 398, № 8, maddə 1026) ilə təsdiq edilmiş “Elektron qaimə-fakturanın forması, tət­biqi, uçotu və istifadəsi Qaydaları”nın 1.4.4-cü yarımbəndində nöqtə işarəsi nöqtəli vergül işarəsi ilə əvəz olunsun və aşağıdakı məzmunda 1.4.5-ci yarımbənd əlavə edilsin:

“1.4.5. Azərbaycan Respublikasının Vəkillər Kollegiyasına vəkillər və vəkil qu­rumları tərəfindən edilən ödənişlər üzrə.”.

5. Bu Qərarın 3-cü hissəsi 2023-cü il oktyabrın 1-dən qüvvəyə minir. 

Əli ƏSƏDOV,
Azərbaycan Respublikasının Baş naziri