Artıq 7-ci ildir ki, Elm və Təhsil Nazirliyi “Kapital Bank”ın dəstəyi ilə Respublika Fənn Olimpiadaları keçirir.
Ötən tədris ili üzrə keçirilən olimpiada qaliblərinin mükafatlandırma mərasimi yaddaqalan olub. Respublika Fənn olimpiadalarında ən yüksək nəticə göstərmiş 8 qızıl medalçıya, eləcə də bütün qaliblərə diplom və mükafatlar təqdim edilib.
Xatırladaq ki, tədris ili üzrə, ümumilikdə, 62 mindən çox şagird olimpiadada iştirak üçün qeydiyyatdan keçib. Yarışma 8–11-ci sinif şagirdləri arasında, 8 fənn üzrə və 143 mərkəzdə təşkil edilib. Şagirdlər biliklərini Azərbaycan dili və ədəbiyyatı, riyaziyyat, fizika, kimya, biologiya, informatika, tarix və coğrafiya fənləri üzrə 3 turda sınayıblar. 10 min 997 şagird həlledici mərhələdə iştirak etmək hüququ qazanıb. Finala keçən 1000-ə yaxın şagirddən 491 nəfəri qalib olub. Onlardan 244 nəfəri bürünc, 163 nəfəri gümüş, 84 nəfəri isə qızıl medal qazanıb.
XQ