Dünən Heydər Əliyev Mərkəzində tanınmış çinli rəssam Yüe Mincünün “Təbəssüm bağı” adlı fərdi sərgisi açılıb. Ekspozisiyada sənətkarın “Avtoportret” və “Güllər” silsilələrinə aid əsərləri – rəsm və heykəltaraşlıq nümunələri təqdim olunur. 

Müasir Çin incəsənətinin tanınmış nümayəndəsi olan Yüe Mincünün “Avtoportret” silsiləsindən olan əsərləri dünya incəsənətində əks-sə­da yaradıb. Rəssamın digər məşhur silsiləsi “Güllər”dir. Həmin əsərlərdə COVID-19 pandemiyasının səbəb oldu­ğu məhdudiyyətlərin yaratdığı fəsadlar rəssamın təxəyyü­lünə uyğun əks olunur.. 

Açılış mərasimində çıxış edən Heydər Əliyev Mərkəzi­nin direktorunun birinci müavi­ni Fərqan Novruzov Azərbay­can və Çin münasibətlərinin hər zaman inkişaf etdiyini və indiki zamanda mədəniyyət sahəsində olan əlaqələrin ən səmərəli dövrünü yaşadığını vurğulayıb. Azərbaycan Rəs­samlar İttifaqının sədri, Xalq rəssamı Fərhad Xəlilov Çin rəssamlarının əsərlərinin son 30 ildə dünya sənətinə təsir etdiyini deyib.

Honkonq şəhərindəki Tanq Müasir İncəsənət Mə­kanının direktoru xanım Van Yi Yip bildirib ki, fərdi sərgidə yer alan əsərlər Yüe Mincü­nün bütövlükdə incəsənətə yanaşmasını göstərir. 

Rəssam Yüe Mincün öz növbəsində göstərdiyi dəstəyə görə Heydər Əli­yev Mərkəzinin rəhbərliyinə təşəkkürünü bildirib. O, sər­gi üçün mövzu seçərkən bir neçə variantı nəzərdən ke­çirdiyini və yekun olaraq “Tə­bəssüm bağı” adlandırmağa qərar verdiyini söyləyib. 

Sərgi oktyabrın 27-dək davam edəcək.

XQ