AMEA-nın Ədəbiyyat İnstitutunda Abdulla Şaiqin “Türk çələngi” kitabı­nın təqdimat mərasimi keçirilib.

Tədbiri giriş sözü ilə Ədəbiyyat İnsti­tutunun elmi işlər üzrə direktor müavini filologiya üzrə fəlsəfə doktoru, dosent Mehman Həsənli açaraq bildirib ki, Ab­dulla Şaiqin Azərbaycan Xalq Cümhuriy­yəti dövründə tərtib etdiyi “Türk çələngi” dərsliyinin yenidən nəşri klassik irsimizə qayğının bariz nümunəsidir. Azərbaycan maarifçi hərəkatının inkişafında və ədə­biyyat tarixində Abdulla Şaiqin böyük xid­mətlərinin olduğu qeyd edilib. 

Sonra Abdulla Şaiqin Mənzil-Muzeyi­nin direktoru, sənətşünaslıq üzrə fəlsəfə doktoru, dosent Ülkər Talıbzadə çıxış edib. O, muzeydə Şaiq irsinin qorunub saxlanması və araşdırılması ilə bağlı görülən işlərdən söhbət açıb. Filologiya üzrə fəlsəfə doktoru, dosent Arzu Hacı­yeva “Abdulla Şaiq irsində “Türk çələngi”­nin yeri” mövzusunda məruzə edib.

Ədəbiyyat İnstitutunun alimlərindən professorlar İslam Qəribli, Asif Rüstəmli, Tahirə Məmməd, dosentlər Aygün Bağır­lı, Lütviyyə Əsgərzadə və Eşqanə Baba­yeva Abdulla Şaiq irsinin ümumtürk hərə­katına töhfəsindən söz açıblar.

Qabil YUSİFOĞLU
XQ