Hüseyn Cavidin Ev muzeyində məktəblilər arasında “Hüseyn Cavid poeziyasından incilər” adlı ənənəvi bədii qiraət müsabiqəsi keçirilib.
Müsabiqədə Bakının Nərimanov rayonundakı Azad Hümbətov adına 291 nömrəli Ekologiya liseyinin şagirdləri iştrak ediblər. Məktəblilər Hüseyn Cavidin şeirlərini, əsərlərindən parçaları səsləndirib, “Ana” mənzum dramından, “İblis” faciəsindən monoloqları oxuyublar. Müsabiqənin qaliblərinə görkəmli mütəfəkkirin əsərləri, sözlərinə bəstələnmiş musiqi əsərlərinin, eləcə də Ərtoğrul Cavidin bəstələdiyi mahnıların toplanıldığı CD və not kitabları hədiyyə edilib.
Hüseyn Cavidin Ev muzeyinin direktoru, filologiya elmləri doktoru Gülbəniz Babaxanlı dahi dramaturqun yaradıclığına göstərdikləri sevgiyə görə iştirakçılara minnətdarlıq edib.
XQ
