Mədəniyyət Nazirliyi Nizami Gəncəvi adına Milli Azərbaycan Ədəbiyyatı Muzeyində “Risalə” elmi araşdırmalar jurnalının növbəti nömrələrinin təqdimatı keçirilib. 

Muzeyin direktoru akademik Rafael Hüseynov bildirib ki, dahi Nizami Gəncə­vinin əsrlərdən bəri davam edən “Xəm­sə”çilik ənənəsi fərqli formatda Ədəbiy­yat Muzeyində də özünü göstərir. Bu ənənənin davamı olaraq 2004-cü ildən Ədəbiyyat Muzeyinin “Beşlik” – “Qaynaq” mənbələr toplusu, “Şərq” tərcümə, “Xə­zinə” kataloqlar, “Məclis” mərasim toplu­ları və “Risalə” elmi araşdırmalar jurnalı nəşr edilir. “Risalə” jurnalında ədəbiyyat­şünaslıq və muzeyşünaslıq üzrə elmi məqalələr, araşdırmalar yer alır. Ədə­biyyatın müxtəlif mövzu və məsələlərinə dair tədqiqatların toplandığı jurnalda muzey əməkdaşlarının, gənc alim və tə­dqiqatçıların əsərləri elm ictimaiyyətinə təqdim olunur. 

Akademikin dediyinə görə, “Risalə” ən sanballı elmi araşdırma və məc­muələrdən biri kimi, filologiya və sənət­şünaslıq sahələri üzrə Ali Attestasiya Komissiyasının tövsiyə etdiyi dövri elmi nəşrlər siyahısına daxil edilib, jurnalın beynəlxalq statusu istiqamətində də bir sıra irəliləyişlər olub. Toplunun redaksiya heyətində Azərbaycanla yanaşı, Avropa və Amerikadan da tanınmış alimlər təm­sil olunur.

Rafael Hüseynov jurnalın nömrələrin­də məqaləri dərc edilən müəllifləri təbrik edərək, onlara “Risalə”nin yeni nömrələ­rini təqdim edib.

XQ