М.Maqomayev adına Azərbaycan Dövlət Akademik Filarmoniyasında “Opera Art” IV Beynəlxalq Musiqi Festivalı çərçivəsində XX əsrin ən məşhur opera müğənnilərindən olan Mariya Kallasın 100 illiyinə həsr olunmuş konsert keçirilib.
Filarmoniyadan mətbuata bildirilib ki, Xalq artisti Dinarə Əliyeva (soprano) M.Kallasın unudulmaz sənətinin parlaq nümunələrindən təşkil olunan rəngarəng proqramla dinləyicilərin qarşısına çıxıb. Vokalçını dirijor, Xalq artisti Yalçın Adıgözəlovun rəhbərliyi ilə Ü.Hacıbəyli adına Azərbaycan Dövlət Simfonik Orkestri müşayiət edib.
Proqramda Vinçenso Bellini, Cüzeppe Verdi, Françesko Çilea, Frans fon Zuppe, Cakomo Puççini, Frans Leqar, Pyetro Maskanyi, Corc Qerşvin, Harold Arlen və İmre Kalmanın əsərləri səslənib.
XQ
