İyunun 22-də yenidənqurma və bərpa işlərindən sonra London Milli Portret Qalereyasının açılış mərasimi olacaq. Tənqidçilər, rəssamlar və kuratorlar öz sevimli əsərlərini seçərək tədbirdə iştirak edəcəklər. 

Bu portretlər içində rəssam İbrahim əl-Salahi tərəfindən çəkilmiş “Əzabın portreti” adlı rəsm əsəri də var. Biz bu rəsmdə ətrafa çaşqın nəzər­lərlə baxan, qeyri-müəyyən ruhi halda olan in­san siması görürük.

Tədbirdə nümayiş olunacaq əsərlərdən biri də rəssam Toyin Ojih Odutolanın ingilis yazı­çısı Sadienin (Zadie Smith) şərəfinə çəkdiyi “Mən böyük qadınam” adlı portretidir. Bu, Toyi­nin Britaniyanın ictimai kolleksiyasına daxil olan ilk əsəridir. Qeyd edək ki, bu rəsm London Milli Portret Qalereyasında ilk dəfə nümayiş etdirilə­cək. 

Açılış iştirakçılarının marağına səbəb olacaq digər bir portret “Ananın ümidsizliyi” adlanır. Flo­rens Ovens Thompsonun 20-ci əsr Amerikasının iç üzünü göstərən bu əsəri ümidsiz insanların ruhuna açılan pəncərədir. Böyük Depressiyanın dəhşətli xarabalığını və kapitalizmin mənfi tərəf­lərini göstərən bu portret hazırda Londonun Tate Modern Qalereyasında sərgilənir.

Qalereyada 16 əsər nümayiş etdiriləcək. 

Qeyd edək ki, əsası 1856-cı ildə qoyulan qalereya dünyanın ilk portret salonudur. Burada yağlı boya ilə çəkilmiş tablolar, miniatürlər, rəsm­lər, büstlər və fotolar sərgilənir. 

Fidan HÜQUQQIZI, “Xalq qəzeti”