Şuşada Bakı Beynəlxalq Multikulturalizm Mərkəzinin təşkilatçılığı ilə “Sülhün, dia­loqun və tolerantlığın qorunmasında mədəni irsin rolu” adlı XV Beynəlxalq Multikultu­ralizm Məktəbi keçirilir.

Məktəb iştirakçıları əvvəlcə Dini Qurumlarla İş üzrə Dövlət Komitəsinin (DQİDK) baş məs­ləhətçisi Günel Yusifinin “Mədəniyyət və inancın kəsişməsi: Dini müxtəlifliyə qlobal baxış” mövzu­sunda mühazirəsini dinləyiblər. 

Natiq bildirib ki, Azərbaycan dünyada məs­cid, kilsə və sinaqoqun bir arada olduğu, eləcə də müxtəlif dinlərin mənsublarının heç bir ayrı-seç­kilik halı ilə qarşılaşmadıqları nadir ölkələrdən biri, bəlkə də, birincisidir. G.Yusifli iştirakçıların çox sayda suallarını cavablandırıb. 

Qeyd edək ki, XV Beynəlxalq Multikultura­lizm Məktəbində Azərbaycan, Rusiya, Türkiyə, Cənubi Koreya, Serbiya, Yaponiya, Qazaxıstan, Rumıniya, Moldova, Özbəkistan, Hindistan, Mə­rakeş, Bolqarıstan, Gürcüstan, Amerika Birləşmiş Ştatları, Mozambik və Konqodan olan 30-a yaxın tələbə iştirak edir. Oktyabrın 1-dək davam edəcək məktəbin iştirakçıları üçün Şuşa, Laçın və Ağdam şəhərlərinə ekskursiyalar təşkil olunacaq.

XQ