“Rəqəmsal əsrdə həqiqət axtarışı: Dezinformasiya ilə mübarizə”

Daşkənddə “Rəqəmsal əsrdə həqiqət axtarışı: Dezinformasiya ilə mübarizə” mövzusunda Azərbaycan–Özbəkistan Media Forumu keçirilib. 

2023-cü ilin avqustunda Özbəkistan Prezidentinin Azərbaycana dövlət səfə­ri zamanı imzalanan “Azərbaycan Res­publikası ilə Özbəkistan Respublikası arasında media sahəsində əməkdaşlığın inkişafına dair Yol Xəritəsi” çərçivəsində təşkil edilən məclisin açılışında Özbəkis­tan Prezidentinin mətbuat katibi Şerzod Əsədov media sahəsində iki ölkə arasında media sahasində təcrübə mübadiləsinin genişləndiyini, bunun real nəticələrə gə­tirib çıxardığını qeyd edib. 

Azərbaycan Respublikası Medianın İnkişafı Agentliyinin icraçı direktoru Əh­məd İsmayılov Azərbaycanın və Özbəkis­tanın media qurumları arasında əməkdaş­lığın qurulması və genişləndirilməsi ilə bağlı önəmli hədəflərdən söz açıb. Azər­baycan Prezidenti Administrasiyasının Qeyri-hökumət təşkilatları ilə iş və kom­munikasiya şöbəsinin kütləvi informasiya vasitələri ilə iş sektorunun müdiri Kamran Həsənov müasir çağırışları cavablandı­ran, çoxtərəfli əməkdaşlığa dəstək verən uğurlu media modellərinin mübadiləsinin əhəmiyyətini vurğulayıb.

Özbəkistan Ali Məclisi Senatının İn­formasiya siyasəti və dövlət orqanlarında şəffaflığın təmin edilməsi komitəsinin se­natoru Mahmud Parpiyev dezinformasi­yaya qarşı birgə mübarizənin zəruriliyini qeyd edib. Azərbaycanın Özbəkistanda­kı səfiri Hüseyn Quliyev Azərbaycan ilə Özbəkistan arasında dostluq əlaqələrinin möhkəmlənməsinə töhfə verəcəyinə əmin­liyini ifadə edib.

Forumunun birinci sessiyasında “De­zinformasiya ilə mübarizədə beynəlxalq təcrübələr” mövzusu ətrafında müzakirələr aparılıb.

Özbəkistan Prezidentinin Administ­rasiyası yanında İnformasiya və Kütləvi Kommunikasiyalar Agentliyi direktoru­nun birinci müavini Dilşod Səidcanovun moderatorluq etdiyi iclasda Beynəlxalq Münasibətlər üzrə İnformasiya və Analitik Araşdırmalar Mərkəzinin direktoru Sancar Vəliyev, Azərbaycan Teleradio Veriliş­ləri QSC-nin sədri Rövşən Məmmədov, “Trend” İN-nın baş direktoru İlqar Hüsey­nov çıxış ediblər.

Forumun ikinci sessiyası “Dövlət və qeyri-dövlət media təşkilatlarının Özbə­kistan və Azərbaycan əhalisinin media savadlılığının artırılmasında rolu” möv­zusuna həsr olunub. 

“Xəzər” Media Mərkəzinin baş direk­toru Murad Dadaşovun moderatorluq et­diyi müzakirədə Özbəkistan Prezidentinin Administrasiyası yanında İnformasiya və Kütləvi Kommunikasiyalar Agentliyinin Media təhsilində rəqəmsal texnologiyala­rın inkişafı şöbəsinin müdiri Tohir Uma­rov, AZƏRTAC-ın İdarə Heyətinin sədri Vüqar Əliyev, “Report” İA-nın direktoru Fuad Hüseynəliyev çıxış ediblər.

Sonuncu panel sessiyası “Kütləvi in­formasiya və kommunikasiyalar sahəsində Özbəkistan və Azərbaycan arasında əmək­daşlığın gücləndirilməsi” mövzusunda ke­çirilib. 

Özbəkistan Respublikası Prezidentinin Administrasiyası yanında İnformasiya və Kütləvi Kommunikasiyalar Agentliyinin təhlil və planlaşdırma idarəsinin müdiri Marat Aitovun moderatorluğu ilə aparılan üzakirələrdə Özbəkistanın Milli Televi­ziya və Radio Şirkəti “Dunö Buylab” te­lekanalının direktoru Nodir Tulyaqanov, Azərbaycan Respublikası Audiovizual Şurasının sədri İsmət Səttarov, Özbəkis­tanın Jurnalistika və Kütləvi Kommunika­siyalar Universitetinin prorektoru Nozima Murodova, Azərbaycan Respublikasının Medianın İnkişafı Agentliyinin beynəlxalq münasibətlər şöbəsinin müdiri Nigar Hü­seynova çıxış ediblər.

Bununla da Media Forumu işini başa çatdırıb.

Qulu KƏNGƏRLİ
XQ-nin Mərkəzi Asiya müxbiri