Dünən Bakıda Fransanın işğalı altındakı Qəmər Adaları İttifaqının Mayot adasına həsr olunmuş beynəlxalq konfrans keçirilib. Bakı Təşəbbüs Qrupunun təşkil etdiyi məclisdə "Qəmər Adaları İttifaqının Mayot adasının Fransa tərəfindən qeyri-qanuni işğalı" mövzusunda müzakirələr aparılıb. 

Qəmər Adaları İttifaqının BMT-də, Cə­nubi Afrikada və digər regionlarda fəaliy­yət göstərmiş nümayəndələri, “Maore ko­mitəsi”, “Üçüncü Yol Kollektivi (C3V)”, “Demokratik Cəbhə”, “Qəmər adalarının bütövlüyü və suverenliyinin müdafiəsi üzrə kollektiv” təşkilatları, Mayot adası­nın təmsilçiləri, o cümlədən Azərbaycanda fəaliyyət göstərən diplomatik korpusun nümayəndələri, səfirlər, beynəlxalq təşki­latların, beyin mərkəzlərinin təmsilçiləri və media nümayəndələri iştirak ediblər. 

Konfransda Qəmər adalarının müstəm­ləkəçilik tarixi, Mayotun Fransa tərəfin­dən işğalı və bunun nəticəsində adanın vətəndaşlarına vurulmuş ziyan, Fransanın bu bölgədə müstəmləkəçilik siyasətinin geosiyasi və iqtisadi maraqları, habelə Ma­yot adası ilə bağlı beynəlxalq təşkilatların mövqeyi ətrafında müzakirələr aparılıb. 

Təşəbbüs Qrupunun icraçı direktoru Abbas Abbasov son bir neçə ayda paytaxt Bakının müstəmləkəçilikdən əziyyət çəkən xalqların və ölkələrin azadlıq mübarizəsi ilə bağlı beynəlxalq konfranslara ev sahib­liyi etdiyini deyib. Azərbaycan Hökuməti­nin və Bakı Təşəbbüs Qrupunun dəstəyini yüksək qiymətləndirən Mayot Adasının Müstəqilliyi Uğrunda Mübarizə Komitəsi­nin üzvü Ahmed Tabet ölkəsinin müstəqil­lik uğrunda mübarizəsindən bəhs edib. 

Qəmər Adaları İttifaqının BMT-də sa­biq nümayəndəsi Mohamed Toihiri, Qəmər Adaları İttifaqının təmsilçisi, hüquq mü­dafiəçisi Mohamed Rafsandjani Hassani, Beynəlxalq Münasibətlərin Təhlili Mərkə­zinin şöbə müdiri Cavid Vəliyev, Qəmər Adaları İttifaqı Üçüncü Yol Kollektivinin (C3V) QHT nümayəndəsi Nadia Tourqui, Bakı Beynəlxalq Multikulturalizm Mərkə­zinin İcraçı direktorunun müşaviri Aytən Qəhrəman, Qəmər Adaları İttifaqının nü­mayəndəsi, Demokratik Cəbhənin üzvü Mohamed Monjoin, Mayot adasının Ma­ore Komitəsinin vitse-prezidenti Ambidi Said Mattoir və digərləri çıxış edərək Ma­yotun Fransaya birləşdirilməsi nəticəsin­də qəmərlilərə vurulmuş ziyan və fransız müstəmləkəçiliyinin yaratdığı problemlər barədə fikirlərini bildiriblər. 

Konfransın sonunda qəbul edilən ye­kun bəyanatda Qəmərin Mayot adasında "WUAMBUSHU" adlı əməliyyatın həyata keçirilməsi, Fransanın adadakı müstəm­ləkəçiliyi pislənilir, regional və alt-re­gional təşkilatlar, vətənpərvər suveren Pan-Afrika hərəkatları Fransanın müstəm­ləkə siyasətini şiddətlə qınamağa çağırılır, Fransa hökumətindən Qəmər İttifaqının suverenliyinə hörmət göstərmək və onun ayrılmaz hissəsi olan Mayot adasını dərhal azad etmək tələb edilir.

***

Fransanın müstəmləkəçiliyi altında olan Mayot adasının Maore komitəsi ilə Bakı Təşəbbüs Qrupu (BTQ) arasında sentyabrın 3-də əməkdaşlıq haqqında sa­ziş imzalanıb. Sənədi Bakı Təşəbbüs Qru­punun İcraçı direktoru Abbas Abbasov və Mayot Adasının Müstəqilliyi Uğrunda Mübarizə Komitəsinin üzvü Ahmed Tabet imzalayıblar.

XQ