“Sentyabrın 1-də keçiriləcək Milli Məclisə seçkilərə hazırlıqla bağlı beynəlxalq qurumların heç bir iradı olmayıb”. “Seçki 2024” Müstəqil Media Mərkəzi xəbər verir ki, bunu jurnalistlərə açıqlamasında Mərkəzi Seçki Komissiyasının (MSK) sədri Məzahir Pənahov deyib. O qeyd edib ki, seçkilərdə təhlükəsizliyin təmin olunmasına və qanunvericiliyin tələblərinə ciddi şəkildə riayət olunub.
M.Pənahov bildirib ki, Seçki Məcəlləsinin tələbinə əsasən, dairə seçki komissiyalarında seçki üçün lazımi infrastrukturun təmin edilməsi vacibdir:
“Dairə və məntəqələrin hamısına verilən inzibati binalar bütün tələblərə uyğundur. Xüsusilə azad olunmuş ərazilərdə elə binalar seçilib ki, orda seçki üçün hər şərait var. Oradakı tikililər yüksək standartlara cavab verir və bütün bölgələrə nümunədir” – deyə MSK sədri əlavə edib.
Anar TURAN
XQ
.jpg)
