Avqustun 27-də Baş prokuror Kamran Əliyev Şəki Rayon Prokurorluğunda Şəki, Oğuz rayon, Mingəçevir şəhər və digər bölgələrdən olan vətəndaşları qəbul edib.

Qəbulda iştirak edən 39 nəfər vətənda­şın müraciətində konkret cinayət işlərinin istintaqı və törədilmiş cinayətlər barədə məlumatların araşdırılması zamanı yol verilmiş qanun pozuntuları, məhkəmədə baxılan cinayət işləri üzrə dövlət ittihamı­nın müdafiəsi, habelə mülki xarakterli mü­bahisələr və sosial problemlərə dair qeyd olunan məsələlərin bilavasitə prokurorluq­da və ya aidiyyəti icra orqanlarında opera­tiv həlli üçün müvafiq göstərişlər verilib.

Qəbuldan sonra prokurorluq əməkdaş­ları ilə görüş keçirən Kamran Əliyev onlara konkret tapşırıqlar verib və “Elektron pro­kurorluq” informasiya sisteminin fəaliyyəti ilə yerində tanış olub. 

***

Həmin gün Şəkidə “İqlim dəyişik­liyinə qarşı yaşıllıqların qorunmasının akademik-elmi əsaslarının formalaşma­sı” mövzusunda elmi-praktiki konfrans keçirilib.

Baş prokuror Azərbaycan xalqının və dövlətçiliyinin inkişafında misilsiz xid­mətləri olan ulu öndər Heydər Əliyevin rəhbərliyi ilə respublikamızda ekoloji problemlərin həlli, ekoloji mühitin sağlam­laşdırılması istiqamətində görülən titanik fəaliyyətdən bəhs edib.

Ulu öndər Heydər Əliyevin siyasi kur­sunun layiqli davamçısı Prezident İlham Əliyevin rəhbərliyi və güclü siyasi iradəsi sayəsində ölkəmizin beynəlxalq miqyasda qlobal iqlim dəyişikliyinə qarşı mübarizə­də öndə yer aldığını qeyd edən Baş pro­kuror Prezident İlham Əliyevin rəhbərliyi və Birinci vitse-prezident Mehriban xanım Əliyevanın yaxından iştirakı və dəstəyi ilə ekosistemin, eləcə də nadir flora və fauna növlərinin yaşaması və inkişaf etməsi üçün həyata keçirilən layihələrdən danışıb.

Şəki Şəhər İcra Hakimiyyətinin başçısı Elxan Usubov ölkəmizin milli, regional və qlobal səviyyədə ətraf mühitin qorunması, iqlim dəyişmələrinin qarşısının alınması işinə töhfə verdiyini, aparılan kompleks tədbirlərin Şəki şəhəri ərazisində də davam etdirildiyini qeyd edib.

Beynəlxalq Prokurorlar Assosiasiya­sının Baş katibi Roel Dona Azərbaycan Prokurorluğunun ekoloji hüquqpozmalara qarşı mübarizə təcrübəsinin beynəlxalq və regional təşkilatlar, həmçinin digər ölkələ­rin prokurorluq qurumları tərəfindən təqdir olunduğunu qeyd edərək qlobal iqlim dəyi­şikliyinə qarşı birgə mübarizənin əhəmiy­yətindən bəhs edib.

Konfransda mövzu ətrafında səmərəli müzakirələr aparılıb.

***

Dünən Şəki Rayon Prokurorluğunun yeni inzibati binası istifadəyə verilib. Kamran Əliyev açılış mərasimində iş­tirak edib. 

Yeni binanın istifadəyə verilməsini prokurorluq əməkdaşlarının əməyinə ve­rilən yüksək qiymət kimi dəyərləndirən Baş prokuror Azərbaycan dövlətinin inki­şafı naminə bundan sonra da böyük səylə çalışacaqlarını bildirərək kollektivə uğurlar arzu edib.

XQ