Peru Konqresində 28 May Azərbaycanın Müstəqillik Günü münasibətilə Konqresin üzvü Maria del Karmen Alva Prieto və Peru-Azərbaycan parlamentlərarası dostluq qrupunun adından təbrik müraciətləri qəbul edilib.

Bu barədə Azərbaycanın Meksikada­kı səfirliyinin verdiyi məlumat bildirilir ki, sənədlərdə 1918-ci il mayın 28-də Azər­baycan xalqının ilk dəfə öz müstəqilliyini elan edərək Azərbaycan Xalq Cümhu­riyyətini qurduğu, müsəlman Şərqində ilk demokratik, dünyəvi və parlament respublikası olduğu və digər demokra­tik dünya dövlətləri tərəfindən tanındığı vurğulanıb. Ölkəmizin müstəqilliyinin milli kimliyin önəmli hissəsi kimi əlamətdar ta­rixi bir hadisə olduğu, ölkə rəhbərliyi və xalq üçün xüsusi əhəmiyyət kəsb etdiyi qeyd olunub.

Bununla yanaşı, demokratik, bə­rabər prinsip və dəyərlər üzərində qu­rulmuş Azərbaycan Xalq Cümhuriyyəti vətəndaşlarının heç bir ayrı-seçkilik olmadan eyni hüquqlarla təmin edildiyi və əhalisinin müsəlmanlar çoxluq təşkil edən ölkələr arasında qadınlara bərabər seçki hüququ verən ilk ölkə olduğu bil­dirilib.

Bu gün Azərbaycanın beynəlxalq aləmdə din və mədəniyyətlərin harmoni­ya, sülh şəraitində birgə yaşaması üçün uğurlu model hesab edildiyi diqqətə çat­dırılıb.

Təbrik müraciətlərində 1996-cı il iyunun 25-də Peru ilə Cənubi Qafqazın maliyyə və turizm mərkəzinə çevrilmiş, regionun yüksək sosial-iqtisadi inkişafına malik lider dövləti olan qardaş Azərbay­canla diplomatik əlaqələrinin qurulduğu, iki ölkə arasında təhsil, sərmayə və ti­carət sahələrində əməkdaşlıq əlaqələri­nin gücləndirilməsində qarşılıqlı maraq olduğu bildirilib.

Sonda ölkəmizin müstəqilliyinin 106-cı ildönümü münasibətilə ölkəmizin ali rəh­bərliyinə və Azərbaycan xalqına təbrik müraciətinin çatdırılması xahiş edilib.

XQ