Azərbaycan Dövlət Pedaqoji Univer­sitetinin Qərbi Azərbaycan Araşdırmalar Mərkəzində “Biz tarixi torpaqlara qayıtma­lıyıq” mövzusunda konfrans keçirilib. 

Elmi məclisdə çıxış edən ADPU-nun bey­nəlxalq əlaqələr üzrə prorektoru, professor, Qər­bi Azərbaycan İcması fəalı Mahirə Hüseynova, Sosial Tədqiqatlar Mərkəzi idarə heyətinin sədri, Milli Məclisin deputatı Zahid Oruc, mərkəzin bölmə müdiri, fəlsəfə doktoru Əfqan Vəliyev, ADPU-nun elmi-təşkilat şöbəsinin müdiri, pro­fessor İbrahim Bayramov Qərbi Azərbaycana Qayıdış Konsepsiyasının gerçəkləşdirilməsi ilə bağlı atılan addımlardan, qarşıda duran və­zifələrdən söhbət açıblar. 

Müzakirələrdə Atatürk Mərkəzinin bey­nəlxalq əlaqələr şöbəsinin müdiri, fəlsəfə dok­toru Nazir Əhmədli, AMEA Tarix və Etno­logiya İnstitutu Qərbi Azərbaycan şöbəsinin müdiri, dosent Cəbi Bəhramov torpaqlarımızda yaradılmış Ermənistan ərazisinin türk tarixinin mükəmməl elmi mənzərəsinin yaradılması ilə bağlı aktual məsələlərə diqqət yetiriblər. 

Konfransda Qərbi Azərbaycan həqiqətləri­nin gənc nəslə çatdırılmasının və beynəlxalq aləmə tanıdılmasının zəruriliyi vurğulanıb. Bu mövzuda yeni yazılmış “Tarixi Azərbaycan tor­paqlarında maddi-mədəni irsimiz” və “Qərbi Azərbaycana Qayıdış: tarixi torpaqlarda mad­di-mədəni irsimiz” kitabları iştirakçılara təqdim edilib. Sonda Qərbi Azərbaycana həsr olunmuş videoçarx nümayiş etdirilib.

Kəmalə ABDİNOVA
XQ