Rusiya Federasiyası Baş prokurorunun müavini Pyotr Qorodovun rəhbərlik etdiyi nümayəndə heyəti Baş prokuror Kamran Əliyevin dəvəti ilə Bakıda keçirilən Xəzəryanı dövlətlərin baş prokurorluqlarının nümayəndələrinin beştərəfli görüşündə iştirak etmək üçün ölkəmizə işgüzar səfərə gəlib.

İkitərəfli görüşdə Baş prokuror Kam­ran Əliyev ölkələrimiz arasında dostluq və əməkdaşlıq münasibətlərinin strateji xarakter daşıdığını, dövlət başçılarının birgə səyləri və siyasi iradələri sayə­sində ikitərəfli münasibətlərin bütün is­tiqamətlərdə uğurla inkişaf etdiyini vur­ğulayıb.

Kamran Əliyev Müzəffər Ali Baş Komandanın rəhbərliyi ilə Azərbay­canın ərazi bütövlüyünün tam şəkildə bərpa olunduğu, dövlətimizin başçısı­nın və ölkəmizin Birinci vitse-prezidenti Mehriban Əliyevanın diqqət və qayğısı ilə Qarabağda sürətli bərpa və qurucu­luq işlərinin aparıldığı barədə qonaqları məlumatlandırıb. 

Pyotr Qorodov Bakıda keçirilmiş Xəzəryanı dövlətlərin baş prokuror­luqlarının nümayəndələrinin beştərəfli görüşünün vacibliyini vurğulayaraq bu formatın qarşılıqlı səmərəli fəaliyyətin davam etdirilməsinə töhfə verəcəyinə əminlik ifadə edib.

XQ