Türk Mədəniyyəti və İrsi Fondunun prezidenti Aktotı Raimkulova Azərbaycan Mətbuat Şurasında olub. 

Şuranın sədri Rəşad Məcid qonağa qurumun missiyası və fəaliyyəti barədə məlumat verib. Şuranın Türk dünyasında fəaliyyət göstərən media orqanları və jur­nalist təşkilatları ilə əməkdaşlığından söz açan R.Məcid deyib ki, qarşılıqlı təmas­larda başlıca məqsəd həm də ortaq Türk mədəniyyəti və irsinin təbliğində jurnalist əməyini stimullaşdırmaq, qələm sahib­ləri arasında əlaqələrin dərinləşməsinə dəstək göstərməkdir. 

A.Raimkulova Türk Mədəniyyəti və İrsi Fondunun hazırda həyata keçirdiyi işlər və gələcək planlarından danışıb. O, qurumun fəaliyyətinin intensivləşdirilməsi üçün media amilinin zəruriliyinə diqqət çəkib. A.Raimkulova bu baxımdan Mət­buat Şurası ilə əməkdaşlığın faydalı ola­cağına əminliyini vurğulayıb. 

Görüşdə, həmçinin Türk Mədəniyyəti və İrsi Fondu ilə Mətbuat Şurasının təm­silçilərinin müntəzəm görüşlərinin, müxtə­lif məsələlərə dair birgə müzakirələrinin təşkili qərara alınıb.

XQ