Ələt Azad İqtisadi Zonasında bu gün istehsal müəssisələri ilə yanaşı, logistika mərkəzi və müasir standartlara cavab verən beynəlxalq karqo hava limanı da inşa edilir. Hava limanının 2026-cı ilin birinci rübünə kimi fəaliyyətə başlayacağı gözlənilir.
Aeroportun illik yükaşırma gücünün ilkin mərhələdə 500 min ton, daha sonra isə 1,5 milyon tona qədər artacağı planlaşdırılır. Hava limanı, ilk növbədə, sözügedən iqtisadi zonada fəaliyyət göstərən müəssisələrin yüklərinin təyyarə ilə daşınmasını təmin edəcək.
Qeyd edək ki, adıçəkilən iqtisadi zona üçün Bakı Beynəlxalq Dəniz Limanı yaxınlığında 719 hektar torpaq sahəsi ayrılıb.
XQ
