Naftalan Şəhər İcra Hakimiy­yətinin və Qərbi Azərbaycan İc­masının təşkilatçılığı ilə “Qərbi Azərbaycan: tarixi həqiqətlər” mövzusunda dəyirmi masa keçirilib. 

Tədbir iştirakçıları əvvəlcə ümummilli lider Heydər Əliyevin şərəfli ömür yolunu əks etdirən fo­to-eksponatlarla, daha sonra Qər­bi Azərbaycanın mədəni irsini, ta­rixini və deportasiya prosesini əks etdirən kitab və fotoşəkillərlə tanış olublar. Soyqırımın tarixi ilə bağlı videoçarx nümayiş olunub. 

İlk olaraq ulu öndər Heydər Əli­yevin və torpaqlarımızın azadlığı uğrunda canlarından keçən şəhid­lərimizin, soyqırımı qurbanlarının xatirəsi bir dəqiqəlik sükutla yad edilib.

Tədbirdə çıxış edən şəhər icra hakimiyyətinin başçısı Vüqar Novruzov və digər natiqlər qeyd ediblər ki, azərbaycanlılara qarşı əsrlər boyu törədilən bəşəri cinayət barədə həqiqətlərin dünya ictima­iyyətinə daha dolğun çatdırılması istiqamətində ulu öndər Heydər Əliyevin və onun layiqli davamçısı Prezident İlham Əliyevin xidmətləri misilsizdir. Bununla bağlı görülən tədbirlər daim diqqət mərkəzində saxlanılıb.

Dəyirmi masa ətrafında icma­nın fəaliyyəti ilə bağlı fikir müba­diləsi aparılıb, bir sıra təkliflər irəli sürülüb. 

Sonda tədbir iştirakçıları Ermənistandan qovulmuş azər­baycanlıların qayıdış hüququ məsələsində göstərdiyi diqqətə və Qərbi Azərbaycan İcmasının fəa­liyyətinə verdiyi yüksək dəstəyə görə ölkə başçısına dərin minnət­darlıqlarını ifadə ediblər.

Hamlet QASIMOV,
XQ-nin bölgə müxbiri,

Naftalan