Martın 1-də Azərbaycan Respublika­sının xarici işlər naziri Ceyhun Bayramov Antalya Diplomatiya Forumu çərçivəsin­də Türkiyə Müdafiə Sənayesi Agentliyinin Prezidenti Haluk Görgünlə görüşüb.

Görüş zamanı iki qardaş ölkə arasında hər­bi sənaye sahəsində əməkdaşlıq əlaqələrindən məmnunluq ifadə olunub.

Bir sıra istiqamətlərdə əməkdaşlığın daha da genişləndirilməsi, habelə digər qarşılıqlı maraq doğuran məsələlər barədə fikir müba­diləsi aparılıb.

***

Ceyhun Bayramov Rusiyanın xarici iş­lər naziri Sergey Lavrov ilə də görüşüb.

Görüşdə iki ölkə arasında mövcud əmək­daşlıq gündəliyində duran aktual məsələlər, habelə cari regional vəziyyət ətrafında fikir mübadiləsi aparılıb.

Nazir Ceyhun Bayramov Azərbaycanın sülh səyləri, eləcə də sülh prosesinin cari və­ziyyəti və ölkəmizin baxışları barədə qarşı tərəfi məlumatlandırıb.

Görüş zamanı, həmçinin qarşılıqlı maraq doğuran digər ikitərəfli və regional məsələlər müzakirə olunub.

***

Dünən xarici işlər naziri Ceyhun Bay­ramov Özbəkistanın xarici işlər naziri Bax­tiyor Saidov ilə də görüşüb. 

Nazir Ceyhun Bayramov postmünaqişə dövründə bölgədə aparılan genişmiqyaslı bər­pa və quruculuq işləri, Azərbaycanla Ermə­nistan arasında münasibətlərin normallaşdı­rılması istiqamətində atılan addımlar, regional sülh və sabitliyi təhdid edən çağırışlar barədə həmkarını ətraflı məlumatlandırıb. Ermənis­tan tərəfindən son dövrlərdə daha intensiv xarakter alan siyasi və hərbi təxribatların, bu ölkənin sürətli silahlanaraq aqressiv ritorika­sını davam etdirməsinin sülh prosesinə təhdid törətdiyi bildirilib.

Nazir Baxtiyor Saidov COP29-a ev sahib­liyi münasibətilə Azərbaycanı təbrik edib, bu mötəbər tədbirin təşkilatında uğurlar arzula­yıb, eyni zamanda, Özbəkistanın keçiriləcək tədbirə töhfə verməyə hazır olduğunu söylə­yib.

***

Həmin gün xarici işlər naziri Ceyhun Bay­ramov Antalya Diplomatiya Forumunda iştira­kı çərçivəsində Qırğızıstanın xarici işlər naziri Ceenbek Kulubayev, Burkina-Fasonun xarici işlər və regional əməkdaşlıq naziri Karamoko Jan Mari Traore, Küveytin xarici işlər naziri Abdullah Əli Əl-Yəhya və Panamanın xarici işlər naziri Janaina Tevaney ilə də görüşüb, qarşılıqlı maraq doğuran məsələlər ətrafında fikir mübadiləsi aparıb.

***

Martın 1-də xarici işlər naziri Ceyhun Bayramov Antalya Diplomatiya Forumu çərçivəsində “Türk Dünyasında İnstitut­laşma: XXI əsrdə Türk Dövlətləri Təşkilatı (TDT)” mövzusunda keçirilmiş panel mü­zakirələrində çıxış edib.

Ceyhun Bayramov TDT-yə üzv dövlət­lərlə əlaqələrin bütün sahələrdə möhkəmlən­dirilməsinin Azərbaycanın xarici siyasətinin əsas prioritetlərindən birini təşkil etdiyini və dövlətimizin başçısının ötən günlərdə baş tut­muş tarixi andiçmə mərasimində qeyd etdiyi kimi, Türk dünyasının bizim ailəmiz olduğunu vurğulayıb.

Çıxışda tarixi-mədəni ənənələrlə bağlı olduğumuz Türk dünyası çərçivəsində əmək­daşlığımızın müxtəlif, o cümlədən siyasi, təh­lükəsizlik, iqtisadi, investisiyalar və digər is­tiqamətlər üzrə gücləndirilməsinin beynəlxalq sistemdəki mövcud təlatümlərə qarşı daya­nıqlılığımızın möhkəmləndirilməsinə xidmət edəcəyi diqqətə çatdırılıb. Bu istiqamətdə Türk dünyasının 200 milyona yaxın insanın yaşadığı geniş bir coğrafiyanı əhatə etdiyi, böyük iqtisadi potensiala, enerji ehtiyatlarına, nəqliyyat marşrutları ilə bağlı imkanlara malik olduğu nəzərə alınaraq, əməkdaşlığın daha da genişləndirilməsi üçün mövcud potensialdan istifadənin zəruriliyi qeyd edilib.

Beynəlxalq münasibətlər sistemi, xüsusilə beynəlxalq təşkilatların fəaliyyəti ilə bağlı çağırışların artdığı bir dövrdə regional əmək­daşlığın, o cümlədən TDT-nin əhəmiyyətinin daha da artdığı bildirilib. Bu istiqamətdə, üzv dövlətlərin tarixdə yol verilən əvvəlki səhvləri təkrarlamadan əməkdaşlığın gücləndirilməsi, birgə layihələrin həyata keçirilməsi istiqamə­tində həmrəylik nümayiş etdirməsinin vacib olduğu diqqətə çatdırılıb.

XQ