BMT-nin Baş katibi Antonio Quterreş sülh nominasiyasında builki Nobel Sülh Mükafatının Nərgiz Məhəmmədiyə verilməsinin “mübariz qadınlara hörmət” anlamında olduğunu deyib.
Quterreş “X” şəbəkəsində yazıb: “Bu mükafatın Məhəmmədiyə verilməsi azadlıqlarını, sağlamlıqlarını və hətta yaşamlarını təhlükəyə salmaqla öz hüquqları üçün döyüşən qadınlara hörmət göstərməkdir”.
BMT-nin İran üzrə insan haqları xüsusi təmsilçisi Cavid Rahman və qadınlara qarşı ayrı-seçkilik sahəsində BMT-nin Müstəqil Mütəxəssislər Komitəsinin sədri Dorsi Strada və qurumun digər 4 üzvü də Nərgiz Məhəmmədiyə Nobel Sülh Mükafatının verilməsi barədə müvafiq bəyanatla çıxış ediblər: “Qadın haqları üzrə bir cəsarətli fəal və jurnalistə 2023-cü il Nobel Sülh Mükafatının verilməsi qadınlara ayrı-seçkilik edən, ayıran, təhqir və məhrum edən sistemlərə qarşı mübarizə anlamındadır”.
Xatırladaq ki, qadın haqları üzrə fəal Güney azərbaycanlı, Zəncan əsilli soydaşımız Nərgiz Məhəmmədi hazırda siyasi ittihamlarla Tehranın “Evin” zindanında saxlanılır.
T.TURAN