Dünən Qərbi Azərbaycan İcmasında İlham Əliyevin Prezident seçilməsinin 20 illiyinə həsr olunmuş toplantı keçirilib. 

İcmanın mərkəzi orqanlarının rəh­bərlərinin iştirak etdiyi iclasda çıxış edən QAİ İdarə Heyətinin sədri, Milli Məclisin deputatı Əziz Ələkbərli Pre­zident İlham Əliyevin 20 il əvvəl ölkə prezidenti seçiləndən sonra həyata keçirdiyi uğurlu siyasətin xalqımızın ümidlərini döğrultduğunu, ölkəmizə möhtəşəm qələbələr qazandırdığı­nı, nəhayət, torpaqlarımızın işğaldan azad olunması, suverenliyimizin tam bərpası ilə nəticələndiyini bildirib. O, Prezident İlham Əliyevin adı ilə bağlı qlobal layihələrə də nəzər salıb və bu işlərin Azərbaycanı hazırkı inkişafa qo­vuşdurduğunu, vətənimizi dünyada ön mövqelərə çıxardığını vurğulayıb.

İcma İdarə Heyətinin sədr müavi­ni, Milli Məclisin deputatı Hikmət Ba­baoğlu, qurumun Müşahidə Şurasının sədri, professor Misir Mərdanov, Ağ­saqqallar Şurasının və Milli Məclisin Səhiyyə komitəsinin sədri Əhliman Əmiraslanov, Ağsaqqallar Şurasının üzvü Abel Məhərrəmov, Nəzarət-Təf­tiş Komissiyasının sədri Vahid Novru­zov, 

Qadınlar Şurasının sədri Məlahət İbrahimqızı, Ziyalılar Şurasının səd­ri Elxan Hüseynov Prezident İlham Əliyevin rəhbərliyi ilə ölkədə 20 il ərzin­də həyatın bütün sahələrində əldə edil­miş tarixi uğurlardan danışmış, tarixi Qarabağ zəfərinin Qərbi azərbaycanlı­ların doğma yerlərə qayıtması ilə bağlı böyük ümidlər yaratdığını qeyd ediblər.

XQ