Sentyabrın 24-ü saat 17:35 radələrində Azərbaycan Ordusuna məxsus "KamAZ" markalı hərbi nəqliyyat vasitəsi minaya düşüb.

Mövqelərimizin təminat yolunda ter­ror məqsədilə əvvəlcədən quraşdırılmış tank əleyhinə minanın partlaması nəti­cəsində Azərbaycan Ordusunun hərbi qulluqçuları Şadmanov Əkrəm Yunis oğlu və Seyidov Tural İslam oğlu şəhid olublar.

Digər hərbi qulluqçumuz Əliyev El­vin Taleh oğlu isə müxtəlif dərəcəli bə­dən xəsarətləri alaraq yaralanıb. Vəziy­yəti sabitdir, həyatı üçün heç bir təhlükə yoxdur.

***

Baş vermiş mina hadisəsi ilə bağlı cinayət işi başlanılıb. Daxil olmuş mə­lumat əsasında Hərbi Prokurorluğun Kriminalistika və informasiya texnologi­yaları idarəsi və Ağdam Hərbi Prokuror­luğunun əməkdaşları tərəfindən ilkin prosessual yoxlama hərəkətləri icra edilib.

Fakta görə Ağdam Hərbi Prokuror­luğunda Cinayət Məcəlləsinin müvafiq maddələri ilə cinayət işi başlanılaraq şahidlər dindirilib, müvafiq ekspertiza­lar təyin edilib və digər zəruri istintaq hərəkətləri həyata keçirilib.

İstintaq davam etdirilir. 

***

Müdafiə Nazirliyi Azərbaycanın Qa­rabağ bölgəsində keçirilən lokal xarak­terli antiterror tədbirləri başa çatdıqdan sonra müsadirə edilmiş döyüş texnika­sı, silah və sursat barədə sentyabrın 25-i saat 18:00-ə olan məlumatı açıq­layıb.

Siyahıda 797 atıcı silah və qumba­raatan, 42 artilleriya silahı, 165 hava hücumundan müdafiə vasitələri, 175 min 225 döyüş sursatı, 1440 təchizat və ləvazimat, 81 optik və digər cihazlar, 22 zirehli texnika, 75 avtomobil texnikası və 21 qoşqu yer alır.

XQ