Bugünlərdə Minsk Dövlət Linqvistik Universitetində Azərbaycan dili və mədəniyyəti mərkəzi fəaaliyyətə başlayıb. 

Azərbaycan Dillər Universitetinin rektoru, akademik Kamal Abdullanın və Minsk Döv­lət Linqvistik Universitetinin rektoru, professor Natalya Laptevanın təşəbbüsü, Azərbaycanın Belarusdakı səfirliyinin dəstəyi ilə yaradılmış mərkəzin açılış mərasimində hər iki ali mək­təbin rəhbəri Azərbaycan dili və mədəniyyəti mərkəzinin açılmasının ölkələrimizin ictimai-si­yasi həyatında bu universitetlərin elmi-pedaqoji fəaliyyətində mühüm əhəmiyyət kəsb edəcəyini bildirib. Tədbirdə iştirak edən hər iki ölkənin dip­lomatları və tanınmış ziyalıları mərkəzin fəaliy­yətinə uğurlar arzulayıblar.

Sonra Ulu öndər Heydər Əliyevin anadan olmasının 100 illiyinə və Azərbaycan Respub­likası ilə Belarus Respublikası arasında diplo­matik münasibətlərin qurulmasının 30 illiyinə həsr olunmuş "Belarus və Azərbaycan: Tarix, müasirlik və ikitərəfli əməkdaşlığın perspektiv­ləri" adlı dəyirmi masa keçirilib. Kamal Abdulla və Natalya Lapteva Azərbaycan və Belarus res­publikaları arasındakı siyasi, iqtisadi və mədəni əlaqələrin tarixindən bəhs ediblər. Akademik Kamal Abdulla Azərbaycanla Belarus arasın­dakı əlaqələrin qurulmasında Ulu öndər Heydər Əliyevin mühüm rolunu qeyd edərək əməkdaş­lığın bugünkü səviyyəyə çatmasında Prezident İlham Əliyevin siyasi iradəsini də vurğulayıb.

Diskussiyaların davamında ölkələrimiz ara­sında siyasət, elm, təhsil və mədəniyyət sahələ­rində əməkdaşlığın perspektivləri, eləcə də Azərbaycan dövlətinin multikulturalizm siyasə­tindən bəhs olunub.

XQ