Uqandanın Hoima şəhərində “ASAN xidmət” modeli əsasında fəaliyyət göstərəcək Dövlət Xidmətləri Mərkəzi açılıb. 

Mərasimdə Azərbaycan Respublika­sının Prezidenti yanında Vətəndaşlara Xidmət və Sosial İnnovasiyalar üzrə Döv­lət Agentliyinin sədri Ülvi Mehdiyevin rəh­bərlik etdiyi nümayəndə heyəti, Uqanda­nın dövlət xidmətləri naziri Vilson Muruli Mukasa və digər qonaqlar iştirak ediblər.

Uqandalı nazir Azərbaycan Preziden­tinə və Dövlət Agentliyinə ölkəsində xid­mət mərkəzlərinin yaradılmasına verdiyi dəstəyə görə təşəkkür edib. Ülvi Mehdi­yev bu Uqanda tərəfinə təbriklərini çatdı­rıb və bundan sonra da “ASAN xidmət”in dövlət xidmətlərinin təkmilləşdirilməsində dəstəyini ifadə edib.

Xatırladaq ki, 2018-ci ildə Prezident yanında Vətəndaşlara Xidmət və Sosial İnnovasiyalar üzrə Dövlət Agentliyi ilə Uqanda Respublikasının Dövlət Xidmət­ləri Nazirliyi arasında anlaşma memo­randumu imzalanıb. Memorandumun məqsədi Uqandada dövlət xidmətlərinin göstərilməsi sisteminin təkmilləşdirilmə­si, bu sahədə idarəetmə bacarıqlarının artırılmasıdır.

Hazırda "ASAN xidmət" təcrübəsinin paylaşılması istiqamətində 20-dən çox ölkə ilə əməkdaşlıq davam edir.

“Xalq qəzeti”