Dünən Gəncə şəhərində din–dövlət münasibətlərinin tənzimlənməsinə həsr olunmuş “Müasir çağırışlar və qarşıda duran əsas hədəflər” mövzusunda üçgünlük regional konfrans öz işinə başlayıb.

Məclisi giriş sözü ilə açan Gəncə ŞİH-nin başçısı Niyazi Bayramov vurğulayıb ki, Ümummilli lider Heydər Əliyevin böyük dövlət idarəçiliyi təcrübəsi, yüksək bacarığı, uzaq­görən siyasəti sayəsində dövlət-din münasibətlərinin düz­gün qurulması üçün zəruri addımlar atılıb. Ulu öndərin bu sahədə həyata keçirdiyi siyasəti Prezidentimiz İlham Əliyev uğurla davam etdirir.

Dini Qurumlarla İş Dövlət Komitəsinin sədr müavini Sa­hib Nağıyev bildirib ki, bəzən din altında ölkə əleyhinə, döv­lətçiliyə qarşı təxribat xarakterli işlər görənlər olur. Dini siya­siləşdirərək təsir mexanizminə çevirirlər. Bu cür təxribatlara əl atanlar vaxtında dəqiqləşdirilir və onların barəsində müva­fiq tədbirlər görülür.

Diqqətə çatdırılıb ki, Dövlət Komitəsi ölkəmizdə döv­lət–din münasibətlərinin yüksək səviyyədə tənzimlənməsi məqsədilə müxtəlif formatlarda silsilə maarifləndirici tədbir­lər təşkil edir.

Bu işdə müvafiq qurumlar, yerli icra hakimiyyəti orqanla­rı ilə də yaxından əməkdaşlıq edilir.

Milli Məclisin deputatı, Əmək və sosial siyasət komitə­sinin sədri Musa Quliyev müstəqil Azərbaycanın qurucusu, dahi şəxsiyyət Heydər Əliyevin ölkəmizin xilası naminə mi­silsiz fədakarlıq nümayiş etdirdiyini bildirib. Millət vəkili Ulu öndərin bütün sahələrdə müşahidə olunan dərin tənəzzülün qarşısını aldığını, eləcə də dövlətin dayanıqlı inkişaf yolunu müəyyən etdiyini diqqətə çatdırıb. 

“Xalq qəzeti”