Azərbaycan Respublikasının Baş naziri Əli Əsədov Cevdet Yılmaza Tür­kiyə Respublikasının Vitse-prezidenti vəzifəsinə təyin edilməsi münasibətilə təbrik məktubu ünvanlayıb.

Məktubda Cevdet Yılmazın yüksək vəzifəyə təyinatı qardaş Türkiyənin Cüm­hurbaşqanı Rəcəb Tayyib Ərdoğanın ona olan böyük inam və etimadının aşkar tə­zahürü kimi qiymətləndirilib.

Vurğulanıb ki, son illər ərzində Türkiyə hərtərəfli inkişaf nümayiş etdirərək bey­nəlxalq aləmdə güc mərkəzinə çevrilib. 

Məmnunluqla qeyd olunub ki, möh­kəm təməllər üzərində qurulmuş Azərbay­can-Türkiyə əməkdaşlıq münasibətləri bu müddət ərzində prezidentlər İlham Əliyev və Rəcəb Tayyib Ərdoğanın qətiyyətli səy­ləri ilə möhtəşəm yol keçərək sarsılmaz dostluq və qardaşlıq, strateji tərəfdaşlıq və müttəfiqlik səviyyəsinə yüksəlib.

Azərbaycan və Türkiyənin birgə səylə­ri ilə həyata keçirilən nəhəng layihələrin iki ölkənin, eləcə də regionun dünya miqya­sında əhəmiyyətini artırdığı, bölgədə sül­hə, əməkdaşlığa və inkişafa xidmət etdiyi bildirilib.

***

Azərbaycan Respublikasının Baş naziri Əli Əsədov Türkiyə Respublika­sının sabiq Vitse-prezidenti Fuat Okta­ya təşəkkür məktubu ünvanlayıb.

Məktubda Türkiyənin Vitse-prezidenti olduğu müddətdə Azərbaycan ilə müna­sibətlərin inkişafına yetirdiyi diqqətə görə F.Oktaya minnətdarlıq ifadə olunub. 

F.Oktayın İqtisadi Əməkdaşlıq üzrə Birgə Hökumətlərarası Komissiyanın həmsədri kimi Azərbaycan-Türkiyə əmək­daşlığının müxtəlif sahələrdə genişləndi­rilməsinə verdiyi töhfə yüksək qiymətlən­dirilib.