Əfqanıstandakı “Taliban” hökumətinin Baş naziri Məhəmməd Həsən Axund səhhəti ilə əlaqədar istefa verib. “Al Jazeera” telekanalı bildirir ki, bu barədə “Taliban” qruplaşması məlumat yayıb.

Qeyd edək ki, Abdul Kəbir mü­vəqqəti hökumət başçısı təyin edilib. Bundan əvvəl o, Baş nazirin müavi­ni işləyib. Molla Məhəmməd Həsən Axund 2021-ci il sentyabrın 7-dən Əfqanıstan Baş nazirinin səlahiy­yətlərini icra edirdi. O, Qəndəhar əyalətinin Pəncva mahalının Paşmul şəhərində anadan olub.

Xatırladaq ki, Molla Məhəmməd Həsən Axund “Taliban”ın qurucula­rından və liderlərindən biridir. Əfqan mücahidlərinin səhra komandiri olub. İlk “İslam Əmirliyi” Əfqanıstanın bö­yük hissəsini faktiki olaraq nəzarət­də saxladığı zaman, 1997–1999-cu illərdə Məhəmməd Həsən Axund “Taliban”ın nəzarətində olan ərazi­də xarici işlər naziri və Baş nazirin müavini vəzifələrində çalışıb. O, həm də Qəndəhar şəhərinin qubernatoru olub. 2001-ci ilin yanvarından BMT M.H.Axunda sanksiya tətbiq edib.

O, “Taliban”ın 2011-ci ildə ölən li­deri Molla Məhəmməd Ömərin siyasi məsələlər üzrə müşaviri işləyib.