Azərbaycan Dövlət Pedaqoji Universitetinin (ADPU) Ağcabədi filialında ümummilli lider Heydər Əliyevin 100 illik yubileyi ilə əlaqədar dəyirmi masa keçirildi.
Tədbiri giriş sözü ilə açan filialın direktoru dosent Mobil Məcidov ümummilli liderin Heydət Əliyevin Azərbaycan xalqının milli müqəddəratının həlli istiqamətindəki misilsiz xidmətlərindən danışdı.
Millət vəkili Tahir Rzayev çıxış edərək, 2023-cü təqvim ilinin “Heydər Əliyev İli” kimi qəbul olunmasını ulu öndərə sədaqətin bariz nümunəsi kimi qeyd etdi. Bildirdi ki, siyasi fəaliyyəti boyunca Azərbaycan xalqına bağlı olan, onun müstəqilliyi, inkişafı və parlaq gələcəyi naminə durmadan çalışan, dövlətçilik ənənələrimizi azərbaycançılıq ideologiyasının prinsipləri ilə cilalayan Heydər Əliyev irsinin öyrədilməsinin əhəmiyyəti böyükdür.
Çıxış edən Rövşən Əhmədov Heydər Əliyevin siyasi hakimiyyəti illərində xalqa xidmətlərindən söz açaraq bildirdi ki, ulu öndərimiz xalqımızın xilaskarı missiyasını həyata keçirdi.