Dünən Pekində Çinin ali qanunverici orqanı Xalq Nümayəndələri Yığıncağının növbəti illik sessiyası keçirilib.
İclasda hazırkı dövlət başçısı, Çin Kommunist Partiyası Mərkəzi Komitəsinin baş katibi Si Cinpin yenidən ÇXR sədri seçilib. Bu, onun 3-cü müddətə (2023-2028) sədrlik dövrü olacaq. Bununla da Si Cinpin Çində sosialist inqilabının banisi Mao Se Dundan sonra ölkəyə 3-cü müddətə rəhbər seçilmiş ilk şəxs olub.
Si Cinpin həm də ölkənin Silahlı Qüvvələrinin ali idarəetmə orqanı olan Mərkəzi Hərbi Şuranın sədri seçilib. Dövlət Şurası sədrinin hazırkı müavini Han Cen isə ÇXR sədrinin müavini seçilib.
Paşa ƏMİRCANOV, “Xalq qəzeti”
