Avropa İttifaqı 2023-cü ilin mart ayına kimi sanksiyalara məruz qalmış Rusiya vətəndaşlarının 20,9 milyard avro həcmində aktivlərini dondurub. Məlumatı “İzvestiya.ru” verib.
Məlumata görə, Ukraynada xüsusi hərbi əməliyyatdan əvvəl Rusiyanın Aİ-yə yatırdığı investisiyaların ümumi həcmi 136 milyard avro olub. Hazırda təşkilatın yaratdığı xüsusi qrup aradakı 115 milyard avro fərqin axtarışı ilə məşğuldur.
Rusiya Prezidentinin mətbuat katibi Dmitri Peskov isə dünən brifinqdə deyib ki, aktivlərin dondurulması beynəlxalq hüququn pozulması, dövlət və özəl mülkiyyətə, eləcə də dünya iqtisadiyyatının əsaslarına müdaxilədir. Onun sözlərinə görə, bu addım qeyri-legitimdir və Rusiya buna qarşı mübarizə aparacaq.
Paşa ƏMİRCANOV, “Xalq qəzeti”