ABŞ-ın dövlət katibi Antoni Blinken Orta Asiyada səfərdədir. Birləşmiş Ştatların xarici siyasət idarəsinin rəhbəri turnesinə Qazaxıstandan başlayıb. Dünən Qazaxıstan Prezidenti Kasım-Jomart Tokayev Astanada ABŞ-ın dövlət katibini qəbul edib. Bu barədə “Associated Press” agentliyi məlumat yayıb.
Xəbərdə deyilir ki, görüş zamanı Tokayev qeyd edib ki, diplomatik münasibətlər qurulduğu illər ərzində Astana və Vaşinqton həm ikitərəfli, həm də çoxtərəfli formatda nümunəvi əməkdaşlıq qurub.
Blinken dünən günortadan sonra qonşu Özbəkistana gələrək bu ölkənin dövlət və hökumət rəsmiləri ilə müzakirələrə başlayıb.
Hazırladı: M.HACIXANLI, “Xalq qəzeti”
.jpg)
