Özəl bölməyə 8 ayda 138 milyon manatdan çox güzəştli kredit ayrılıb

Bu ilin yanvar–avqust ayları ərzində Sahibkarlığın İnkişa­fı Fondu (SİF) tərəfindən 3507 layihənin maliyyələşdirilməsinə 138,3 milyon manat güzəştli kredit verilib. Fondun məlumatına görə, verilən kreditlər hesabına 2808 yeni iş yerinin yaradılması nəzərdə tutulub. Kreditlərin sahibkarlıq subyektləri üzrə bölgü­sündə mikro sahibkarların payı 97,1 faizə yüksəlib. 

Qeyd edək ki, fondun sahibkarlıq subyektlərinə yönəltdiyi kreditlərlə qeyri-neft sənayesinin inkişafının gerçəkləşdirilməsi qarşıya önəmli vəzifə kimi qoyulub. Başqa sözlə, sahibkarlara maliyyə vəsaitləri ayrı­lan zaman onların idxaldan asılılığın azaldılması üçün adıçəkilən sektorda sənaye müəssisələrinin yaradılmasına üstünlük verilib. 

Elə buna görədir ki, son illər apa­rılan islahatların nəticəsində güzəştli maliyyələşmə, kredit-zəmanət və faizlərin subsidiyalaşdırılması mexa­nizmlərinə çıxış imkanları genişlən­dirilib, investisiya təşviqi mexanizmi əhəmiyyətli dərəcədə təkmilləşdiri­lib, sənaye zonalarının inkişafı təşviq olunub, dövlətin yeni dəstək alətləri tətbiq edilib. Eyni zamanda, özəl böl­mədə lisenziya tələb olunan fəaliyyət növlərinin sayı əhəmiyyətli dərəcədə azaldılıb, investisiya yatırımının sti­mullaşdırılması məqsədilə investisiya təşviqi sənədinin verilməsinə başlanı­lıb, satınalmalar sahəsində kotirovka sorğusu proseduru tamamilə elekt­ronlaşdırılaraq, vahid internet portalı yaradılıb. 

Bütün bunlarla yanaşı, sahibkar­lığın inkişafını şərtləndirən vergi qa­nunvericiliyi müasirləşdirilib. Özəl sektorun fəaliyyətini daha da güc­ləndirilmək məqsədilə şəffaflıq və hesabatlılığın artırılması, rəqəmsal­laşmanın geniş vüsət alması, rəqabət mühitinin inkişafının təmin olunması kimi məsələlər də hər zaman diqqətdə saxlanılıb.

Son illərdə regionlarda sahib­karlıq fəaliyyətinin güzəştli maliyyə mexanizmləri ilə təşviq edilməsi də diqqətdə saxlanılıb. Ümumiyyətlə, bu məsələ məşğulluğun təmin edilməsi və iqtisadi fəallığın dəstəklənməsi üçün önəmli xarakter daşıyıb. Cari ilin ötən ayları ərzində Azərbaycanda verilən güzəştli kreditlərin 70 faiz­dən çox hissəsinin regionların (Bakı, Sumqayıt və Abşeron istisna olmaqla) payına düşməsi də bunun bariz ifadə­sidir. 

Onu da deyək ki, sahibkarların qeyri-neft sənayesindəki inkişafı da­vam etdirmək, istehsal və ixracı artır­maq barədə fikirlərinə həssaslıqla ya­naşılıb. Eyni zamanda, iş adamları ilə xammalın keyfiyyəti, daxili bazarın qorunması, kommunal xidmətlərdə differensial tariflər, dövlət satınalma­ları, kredit resurslarına çıxış, ixtisaslı kadr potensialı kimi məsələlər mü­zakirə olunaraq müəyyən layihələr reallaşdırılıb. Sahibkarların təklifləri əsasında dövlətin dəstək və təşviq alətləri daha da təkmilləşdirilərək sis­temli şəkildə həyata keçirilib. 

Xatırladaq ki, bir müddət bun­dan əvvəl iqtisadiyyat naziri Mikayıl Cabbarov Gəncə şəhərində və ətraf rayonlarda fəaliyyət göstərən sahib­karlarla görüşündə qeyri-neft səna­yesindəki inkişafı davam etdirmək, istehsal və ixracı artırmaq barədə mü­zakirələr aparıb, onların suallarını ca­vablandırıb. İqtisadiyyat naziri, eyni zamanda son illər Prezident İlham Əliyevin rəhbərliyi ilə gerçəkləşdi­rilən sosial-iqtisadi inkişaf strategiya­sının nəticəsi olaraq ölkəmizdə bütün sahələrin inkişaf etdiyini, o cümlədən özəl sektorun gücləndiyini, qeyri-neft sənayesi üzrə dövriyyənin, istehsal və ixrac həcminin, yeni iş yerləri və di­gər iqtisadi göstəricilərin əhəmiyyətli dərəcədə artdığını vurğulayıb. 

Yeri gəlmişkən, sahibkarlar son illərdə əldə etdikləri uğurları qey­ri-neft sektorunun rəqabətədavamlı inkişafı, yeni istehsal sahələrinin sti­mullaşdırılması və ixrac qabiliyyəti­nin yüksəldilməsi ilə əlaqələndiriblər. İş adamları, həmçinin əlverişli biznes mühitinin inkişafı və investisiya im­kanlarının genişləndirilməsi məqsə­dilə tətbiq edilən vergi və gömrük islahatlarını, daxildə emala xüsusi gömrük prosedurunun, sahibkarların investisiya layihələrinin maliyyələş­dirilməsi üzrə dövlət dəstəyi mexa­nizmlərini yüksək dəyərləndiriblər. 

Beləliklə, sahibkarlığın inki­şafı istiqamətində həyata keçirilən məqsədyönlü və uğurlu islahatlar nə­ticəsində ölkəmizdə özəl sektor iqti­sadiyyatın aparıcı qüvvəsinə çevrilib, sahibkarlığın ÜDM-də payı 81 faizi, məşğulluqda payı isə 70 faizi ke­çib. Özəl bölməyə dövlət dəstəyinin daim diqqətdə saxlanılması qeyri-neft sektorunda müasir texnologiyalara əsaslanan yeni istehsal və emal müəs­sisələrinin, infrastruktur sahələrin ya­radılmasına, real sektora investisiya qoyuluşlarının sürətlənməsinə əlve­rişli şərait yaradıb.

Ölkədə sahibkarlığa dövlət maliy­yə yardımı mexanizminin formalaş­dırılması kiçik və orta sahibkarların maliyyə vəsaitlərinə olan tələbatının ödənilməsini gerçəkləşdirib. Bu, İq­tisadiyyat Nazirliyinin Sahibkarlığın İnkişafı Fondunun vəsaiti hesabına güzəştli maliyyələşmə mexanizmlə­rinin tətbiqi ilə reallaşıb. Adıçəkilən fondun vəsaiti əsasən, qeyri-neft sek­torunun inkişafı, innovativ texnologi­yaların tətbiqi və ixrac əməliyyatları üzrə investisiya layihələrinin maliy­yələşdirilməsinə yönəldilib. 

Fondun vəsaitləri demək olar ki, dövlət büdcəsindən daxilolmalar he­sabına formalaşır və kreditləşməyə yönəldilir. Eyni zamanda, Sahibkar­lığın İnkişafı Fondu hazırda poten­sial maliyyə vəsaitinin cəlb edilməsi məqsədilə beynəlxalq maliyyə qu­rumlar ilə birgə araşdırmalar apararaq birgə proqramlar hazırlayır. 

Sahibkarlığın inkişafını şərtlən­dirən ən mühüm amil isə hazırda qlo­bal çağırışlar fonunda respublikamız­da mövcud makroiqtisadi sabitliyin qorunub saxlanılması, iqtisadiyyat şaxələndirilməsinin diqqət mərkə­zində saxlanılması, özəl bölmənin inkişafı üçün daha əlverişli biznes və investisiya mühitinin formalaşdı­rılmasıdır. Həyata keçirilən geniş­miqyaslı tədbirlər nəticəsində sahib­karların ölkə iqtisadiyyatının aparıcı qüvvəsinə çevrilməsi də bunun bariz ifadəsidir.