2024-cü ilin altı ayı ərzində 2744 layihənin maliyyələşdirilməsinə 102,7 milyon manat güzəştli kredit ödənilib.

Sahibkarlığın İnkişafı Fondunun mə­lumatına görə, bu kreditlər hesabına 1556 yeni iş yerinin yaradılması nəzərdə tutulub.

Qeyd edək ki, sahibkarlar SİF-in güzəştli kreditlərindən yararlanmaq üçün müvəkkil kredit təşkilatlarına müra­ciət etməlidirlər. Müvəkkil kredit təşkilat­larına fondun əməkdaşlıq etdiyi banklar, bank olmayan kredit təşkilatları və kredit ittifaqları aiddir. 

Sahibkarlığın İnkişafı Fondunun fəaliyyətini ifadə edən yuxarıdakı göstə­ricilər son illər ərzində respublikamız­da özəl sektorun dinamik inkişafına yönələn diqqət və qayğıdan xəbər verir. Güründüyü kimi, bu gün də sözügedən istiqamətdə mühüm layihələr həyata keçirilir, investisiya təşviqi mexanizmi­nin tətbiqi davam etdirilir. Eyni zaman­da, iş adamlarının xərclərinin azalması məqsədilə onlara prioritet sahələr üzrə güzəştli kreditlər ayrılmasına xüsusi qayğı göstərilir. Başqa sözlə, güzəştli kreditlər qeyri-neft sektorunda sənaye istehsalı və emalı, o cümlədən aqrar emal, kənd təsərrüfatı və anbar komp­leksləri, logistika xidməti, akvakultura, yaşıl və innovasiya yönümlü layihələrin icrasına yönəldilir. 

Xatırladaq ki, regionlarda təhsil, tu­rizm sahələri, Naxçıvan MR-də və işğal­dan azad edilmiş ərazilərdə isə xidmət sektorları da güzəştli kreditlərin veriləcə­yi prioritet sahələr sırasındadır.