İqtisadi Zonaların İnkişafı Agentliyinin idarəçiliyində olan Sumqayıt Kimya Sənaye Parkının rezidenti “Kartaş Kimya” MMC-nin tikinti kimyəvilərin istehsalı müəssisəsində son tamamlama işləri görülür.
Agentlikdən redaksiyamıza verilən məlumata görə, yaxın aylarda müəssisədə avadanlıqların quraşdırılmasına başlanılması planlaşdırılıb. Layihə üzrə indiyədək görülən işlərə artıq 15 milyon manat sərmayə qoyulub.
Zavodda tikinti kimyəvilərin istehsalı ilə yanaşı, ölkə ərazisində ilk dəfə olaraq müxtəlif təyinatlı su izolyasiya materialların və döşəmə məhsulların istehsalı da nəzərdə tutulur.
“Kartaş Kimya” MMC-yə 2022-ci ilin iyulunda Sumqayıt Kimya Sənaye Parkının rezidenti statusu verilib, müəssisənin bu ilin sonunda fəaliyyətə başlaması planlaşdırılıb.
