Bu ilin ilk 4 ayında Qazaxıstanın “Kazmortransflot” milli gəmiçilik şirkətinin (“Kazmunayqaz”ın törəmə müəssisəsi) konteyner gəmiləri Aktau-Bakı marşrutu üzrə Xəzər dənizi ilə 100 min tondan çox yük daşıyıb.
Bu barədə “Kazmunayqaz” şirkətindən məlumat verilib. Bildirilib ki, aprel ayında sözügedən marşrutla 2850 TEU (təxminən 35 min ton yük), orta hesabla 2500 TEU (20 fut ekvivalent vahid) yük daşınıb ki, bu da rekor göstərici hesab olunur.
Qeyd edək ki, şirkətin konteyner gəmiləri bu istiqamətdə ayda orta hesabla 8-9 gediş-gəliş həyata keçirərək Asiya ilə Avropa arasında əlaqəni təmin edir.
XQ
