Yanvar–mart aylarında Azərbaycandakı magistral neft kəmərləri ilə nəql olunan neft 1,5 faiz artaraq 9 milyon 644 min ton təşkil edib.
Dövlət Statistika Komitəsindən “XQ”yə bildirilib ki, nəqletmənin 75,2 faizi Bakı–Tbilisi–Ceyhan əsas ixrac neft boru kəməri (BTC) ilə həyata keçirilib. Cari ilin ilk rübündə bu kəmərlə neft nəqli 0,31 faiz artaraq 7 milyon 267,2 min ton neft nəql olunub ki, bu da əvəlki ilin müvafiq dövrünə nisbətən bir qədər çoxdur.
Hesabat dövründə BTC kəməri ilə nəql edilmiş ümumi həcmin 80,7 faizi və ya 5 milyon 866,9 min tonu Azərbaycanda hasil edilən neftin payına düşüb. İxracın 19,3 faizini və ya 1 milyon 400,3 min tonunu isə Türkmənistan və Qazaxıstandan daxil olan neft təşkil edib.
XQ
.jpg)
