İqtisadi Zonaların İnkişafı Agentliyinin (İZİA) idarəçiliyində olan Ağdam və “Araz Vadisi İqtisa­di Zonası” sənaye parklarında cari ilin I rübündə 7 sahibkarlıq subyektinə rezidentlik statusu ve­rilib. Bunlardan 4-ü Ağdam Sənaye Parkının, 3-ü isə “Araz Vadisi İqtisadi Zonası” Sənaye Parkının rezidenti kimi qeydiyyata alınıb.

İZİA-nın bununla bağlı məlumatında daha sonra bildirilir ki, qeydiyyata alınan rezidentlər tərəfindən sənaye parklarına 54,2 milyon manat dəyərində in­vestisiyanın yatırılması, 480 iş yerinin yaradılması nəzərdə tutulur. 

Qeyd edilib ki, rezidentlər Ağdam və “Araz Vadi­si İqtisadi Zonası” sənaye parklarında fibrobeton və polistirolbeton blokların, quru inşaat qarışıqların, se­ment və beton qatqıların, müxtəlif çeşiddə yapışqan lentlərin, ortopedik matras və yumşaq mebellərin, ayaqqabıların və s. məhsulların istehsalını həyata keçirəcəklər.

Qeyd edək ki, dövlət başçısının müvafiq fər­manlarına əsasən, 2021-ci ildə yaradılan Ağdam və “Araz Vadisi İqtisadi Zonası” sənaye parklarında, ümumilikdə, 31 sahibkarlıq subyektinə rezidentlik, 7 sahibkara isə qeyri-rezidentlik statusu verilib. 

XQ