“Azərişıq” ASC işğaldan azad edilən bütün ərazilərdə olduğu kimi, coğrafi relyefinə görə mürəkkəb quruluşa malik Kəlbəcərdə də yenidənqurma işlərini uğurla davam etdirir.

“Azərişıq” ASC-dən verilən məlumatda bildirilir ki, Kəlbə­cərdə yaz aylarında belə qarın ərimədiyi yüksəkliklərdə elektrik təsərrüfatı yenidən qurulur.

Hazırda Kəlbəcər rayonu ərazisində 35 kV-luq elektrik xətlərinin çəkilişi sürətlə aparılır. İstisu, Zod, Zar, Zəylik və Yellicə istiqamətində yenidənqurma işlə­ri başa çatıb.

Ağqaya, Qamışlı və Mər­cimək istiqamətində isə elektrik təsərrüfatının yenilənməsi işləri davam etdirilir. Həmin kəndlər­də yeni metal dayaqlar basdırılır və müasir tipli, izolyasiyalı kabel xətləri çəkilir.

Yenidənqurma işləri çərçi­vəsində Kəlbəcər rayonu İstisu qəsəbəsində yerləşən 110/35 kv-luq yarımstansiyanın tikinti işləri və 110/35/10 kV-luq “Kəlbəcər” yarımstansiyasından çıxan 110 kV-luq hava xəttinin Kəlbəcərdən İstisuya qədər olan hissəsinin çə­kilişi davam etdirilir.

Kəlbəcər şəhəri ərazisində isə yeni 35/0,4 kV-luq yarımstan­siyanın və Rəqəmsal İdarəetmə Mərkəzinin tikinti işləri yekunlaşıb. 

XQ