Ölkə Prezidentinin tapşırıqlarına əsasən, regionlarda elektrik təsərrüfatının yenilənməsi istiqamətində tədbirlər davam etdirilir. Hazırda “Azərişıq” Açıq Səhmdar Cəmiyyəti (ASC) tərəfindən Lənkəranın Viravul, Daşdatük, Girdəni və Gərmətük kəndlərinin elektrik təsərrüfatında yenidənqurma işləri aparılır. 

“Azərişıq” ASC-dən XQ-yə verilən məlumata əsasən, bu məqsədlə 4 min nəfərə yaxın əhalisi olan Viravul kən­dində yeni güc mərkəzləri yaradılır. Ye­nidənqurma işləri çərçivəsində köhnə elektrik dayaqları yeniləri ilə əvəz edi­lir, istismar müddəti başa çatmış açıq naqillərin yerinə özünüdaşıyan izolyasi­yalı naqillər çəkilir. Bundan əlavə, köhnə sayğaclar həyətyanı sahələrdən çıxa­rılaraq əvəzində müasir standartlara cavab verən yeniləri quraşdırılır. İşlər yekunlaşdıqdan sonra kənd sakinləri dayanıqlı və fasiləsiz elektrik enerjisi ilə təmin olunmaqla yanaşı, elektrik enerjisi itkisinin qarşısı da alınacaq.

Qeyd edək ki, yenidənqurma işləri Lənkəranla yanaşı, investisiya proqra­mına uyğun olaraq ölkənin bütün regi­onlarında, ən ucqar kənd və qəsəbələr­də də mərhələli şəkildə həyata keçirilir.

XQ