Azərbaycan Dövlət Neft Fondunun (ARDNF) məlumatına əsasən, fondun vəsaitlərinin həcmi 2001-ci ildə 270 milyon ABŞ dolları təşkil etdiyi halda, keçən ilin sentyabrın 30-na 55 milyard 521,27 milyon dollara yüksəlib. Bunun da hamısı xarici valyutada saxlanılıb.
ARDNF-in büdcəsinin xərc istiqamətlərini qarşılamaq məqsədilə vəsaitlərinin müəyyən hissəsi Azərbaycan manatında saxlanılır ki, bu da investisiya portfelinin tərkibinə daxil deyil. Ümumi aktivlərin həcmi ilə investisiya portfelinin həcmi arasındakı fərq məhz bu göstərilən səbəbdəndir.
2023-cü ilin yanvar-sentyabr ayları ərzində fondun vəsaitinin idarə olunmasından 2 milyard 651,1 milyon manat (1 milyard 559,5 milyon dollar) məbləğində gəlir əldə edilib.
XQ