Avronun məzənnəsi ABŞ istiqrazlarının faizlərinin artması və dolların möhkəmlənməsi fonunda zəifləyir. Ekspertlər hesab edir ki, ABŞ-ın 10 illik dövlət istiqrazlarının gəlirliliyi 5 faizdən yuxarı qalxarsa, 1 avronun məzənnəsi 1 dollar səviyyəsinə düşə bilər.
Avronun məzənnəsi ABŞ dollarına nisbətdə 7 dekabr 2022-ci ildən bəri ən aşağı səviyyəyə düşüb. Hazırda beynəlxalq Forex bazarında avro 0,16 faiz ucuzlaşaraq bir avro üçün 1,046 dollara düşüb. Moskva vaxtı ilə saat 16:06-da isə məzənnə bir avro üçün 1,0474 dollara (əvvəlki ticarət sessiyasının bağlanış səviyyəsi ilə müqayisədə -0,02 faizə) qayıdıb.
Bloomberg yazır ki, son həftələrdə avroya təzyiqlər artıb. Onun Avrozona iqtisadiyyatının zəifləməsi fonunda gələcək faiz artımlarına tab gətirə bilməyəcəyi qorxusu var. Bu da avronun dollarla paritetə düşə biləcəyi ilə bağlı mülahizələrə səbəb olub.
P.ƏFƏNDİ
XQ
