İqtisadi İslahatların Təhlili və Kommunikasiya Mərkəzinin təqdim etdiyi “İxrac icmalı”nın mart sayına əsasən, 2023-cü ilin yanvar-fevral aylarında Azərbaycanın ümumi ixracı 4,5 milyard ABŞ dolları, qeyri-neft sektoru üzrə isə ixrac 651,4 milyon ABŞ dolları təşkil edib. Qeyri-neft sektoru üzrə ixrac 2022-ci ilin iki ayı ilə müqayisədə 36,6 faiz artıb.

Cari ilin yanvar–fevral ayları ərzində Türkiyəyə 273,9 mil­yon ABŞ dolları, Rusiya Federasiyasına 137,7 milyon ABŞ dolları, Gürcüstana 64,7 milyon ABŞ dolları, Qazaxıstana 19,4 milyon ABŞ dolları və İsveçrə Konfederasiyasına isə 19 milyon ABŞ dolları dəyərində qeyri-neft sektoruna aid mal ix­rac olunub.

2023-cü ilin fevral ayının qeyri-neft ixracı 366,9 milyon ABŞ dolları təşkil edib. Hesabat ilinin fevral ayı ərzində ye­yinti məhsulları üzrə ixrac 53,4 milyon ABŞ dolları, qeyri-ye­yinti məhsulları üzrə isə 313,5 milyon ABŞ dollar səviyyəsinə yüksəlib. 

Bu ilin fevral ayında qeyri-neft sektoruna aid ən çox mal ixrac edilən ölkələrin siyahısında Türkiyə (167,2 milyon ABŞ dolları) birinci yerdə qərarlaşıb. Bu siyahıda Rusiya Federa­siyası (69,6 milyon ABŞ dolları) ikinci və Gürcüstan isə (40,3 milyon ABŞ dolları) üçüncü sırada yer tutub. 

“İxrac İcmalı”nda göstərilib ki, 2023-cü ilin mart ayında “Bir pəncərə” İxraca Dəstək Mərkəzi vasitəsi ilə həyata keçi­rilən qeyri-neft ixracının dəyəri 17,5 milyon ABŞ dolları olub.

Qeyri-neft sektoru üzrə ixrac əməliyyatlarında iştirak edən dövlətə məxsus olan şirkətlərin siyahısına isə “Azəre­nerji” ATSC başçılıq edir. 

“Xalq qəzeti”