UEFA Çempionlar Liqasının əsas mərhələsində Bakıda “Qarabağ” və Almaniyanın “Ayntraxt” komandaları arasında keçiriləcək VII tur oyununun hakim təyinatları açıqlanıb.
Qarşılaşma İsveçrədən olan hakimlər briqadasına tapşırılıb.
Baş hakim Sandro Şererə Stefan De Almeyda və Conas Erni kömək edəcəklər. Dördüncü hakim funksiyasını isə Yohannes fon Mandaks yerinə yetirəcək. VAR-da Fedayi San, AVAR-da Lukas Fendrix olacaq.
Qeyd edək ki, yanvarın 21-də Tofiq Bəhramov adına Respublika Stadionunda keçiriləcək “Qarabağ” – “Ayntraxt” matçı saat 21:45-də başlayacaq. Ağdam təmsilçisinin rəsmi saytının yaydığı məlumata görə, artıq 24 500 bilet satılıb.
Qabil YUSİFOĞLU
XQ
