"Mançester Siti" klubunun belçikalı yarımmüdafiəçisi Kevin De Bruyne İngiltərə Premyer Liqası tarixinin ən yaxşı yarımmüdafiəçisi seçilib. Səsvermənin nəticələrinə görə, ikinci pillədə “Liverpul”un keçmiş yarımmüdafiəçisi Stiven Cerrard qərarlaşıb. İngiltərə futbolunun digər məşhur siması, “Çelsi”, “Vest Hem” və “Mançester Siti” kimi klubların formasını geyinmiş Frenk Lempard ilk üçlüyü tamamlayıblar.
Bu arada “Mançester Siti” ilə bağlı daha bir maraqlı məlumat yayılıb. Bildirilib ki, “Barselona”nın yarımmüdafiəçisi İlkay Gündoğan “Mançester Siti”yə qayıtmaqda maraqlıdır. Almaniyalı futbolçu artıq “Mançester Siti” ilə əlaqə saxlayıb. “Şəhərlilər”in rəhbərliyi bu variantı nəzərdən keçirməyə hazırdır.
Qeyd edək ki, İngiltərə Premyer Liqasında 2024/2025 mövsümünə avqustun 16-da start verilib.
PÜNHAN
XQ
