“Franceinfo” portalı “Paris-2024” Olimpiya Oyunlarında cüdo üzrə ilk çempionumuzdan yazıb. Hidayət Heydərov (78 kq) fransız mətbuatında “dünyada nömrə 1” kimi təqdim edilib.
“Ouest-France” portalı isə Azərbaycanın cüdo üzrə ikinci qızıl medalçısı Zelim Kotsoyevdən bəhs edib. Qeyd edilib ki, Azərbaycan Olimpya Oyunlarında cüdo yarışlarında ilk dəfə 2 qızıl medal qazanıb.
Fransanın “20 minutes” portalı isə Azərbaycanın qadınlardan ibarət 3x3 basketbol yığmasının yarışlarda beynəlxalq idman ictimaiyyətini təəccübləndirməsindən yazıb. Ümumiyyətlə, fransız mətbuatında Azərbaycan qadınlarından ibarət 3x3 basketbol komandasından daha çox danışılıb. “Azərbaycan dünyada necə 3x3 basketbol qalasına çevrildi?” başlıqlı məqalədə vurğulanıb ki, basketbol komandamızın yeni yaranmasına baxmayaraq, Azərbaycan dünya basketbolunda önəmli ölkəyə çevrilib.
.jpg)
