Qadın futbolçulardan ibarət Azərbaycan millisi daha bir tarixi qələbə qazanıb. 

Komandamız Avropa çempionatının seçmə mər­hələsində ilk dəfə pley-offa yüksəlib. B Liqasının 1-ci qrupunda mübarizə aparan yığma son oyunda İsveçrə seçməsinə 0:3 hesabı ilə uduzaraq sonuncu olsa da, pley-offa vəsiqə əldə edə bilib. 

Bu raundda ümumilikdə 28 komanda final mərhələ­sinə son 7 vəsiqə uğrunda mübarizə aparacaq. İki ra­unddan ibarət olan pley-off mərhələsinin püşkü iyulun 19-da atılacaq. Əvvəlcə 28 komanda 14 cütlük təşkil edəcək. Ardınca isə qalib yığmalar Avropa çempionatı­na son 7 vəsiqənin sahibini müəyyənləşdirəcəklər.

Azərbaycan millisi püşkatmada səpələnməmişlər səbətində yer alacaq. Yığmanın potensial rəqibləri Por­tuqaliya, Şotlandiya, Uels, Serbiya, Ukrayna və Şimali İrlandiya kollektivləridir.

Qeyd edək ki, qadınlar arasında Avropa çempionatı 2025-ci il iyulun 2-dən 27-dək 16 ölkə yığmasının iştira­kı ilə İsveçrədə keçiriləcək.

L.QURBANOVA 
XQ