16-17 dekabr tarixində Moskva şəhərində "WRPF" üzrə 9-cu dünya çemionatı keçirilir. Güc İdman Növləri üzrə keçirilən bu çempionatda ölkəmizi Azərbaycan Strongmen Federasiyası öz komandası ilə təmsil edir.
29 ölkənin 4000-dən çox idmançısı bu mötəbər yarışda iştirak edir.
Güc İdman Növləri üzrə keçirilən yarışda ölkəmizi başda federasiya rəhbəri Bəxtiyar Quliyev olmaqla vitse-prezidentlər Raif Süleymanov, Namiq Cəfərov ilə yanaşı, komandamızın digər üzvləri də təmsil edirlər.
Yarışda "Deadlift" hərəkəti üzrə 40-49 yaş kateqoriyasında (dopinq testlə) Bəxtiyar Quliyev 290 kg çəkinin öhdəsindən gələrək qızıl medala layiq görülüb. Bəxtiyar Quliyev bu nəticə ilə öz idman kateqoriyasında 9 qat dünya çempionu adını qazanıb.
Əlavə edək ki, vitse-prezident Raif Süleymanov öz çəkisində müxtəlif hərəkətlər üzrə bütün rəqiblərinə qalib gələrək, yarışı 3 qızll medalla başa vurub. Bununla da o, dövlət himnimizi fəxri kürsüdə səsləndirərək, ölkəmizi layiqincə təmsil edib.
XQ